Sunda hi suma hi Levi-nid’a 18:28 - Bible azumeina

²⁸ Ar agi lagi ahle ndazina tala ambas ndata ti noyôgi woi yam ndjendje magid’a d’igi ti noî suma a kak avorogi katna na d’uo d’a.

Sunda hi suma hi Levi-nid’a 18:28 Referans Kwoze

Vama ndum mbeina 3:16

Kayam angî aku d’a lulumur, nala, zala d’oze ab’lenga d’uo mi. Kayam ndata, an mba ni vining ngei avunanu.

Sunda hi suma hi Levi-nid’a 20:22

Ar agi ngomogi gat manda pet ki vun man ma he ma tetengâ mi, agi lagi sunda kamu, kayam ambas sa an hagizi á kaka kua wanda, ti noyôgi woi d’i.

Sunda hi suma hi Levi-nid’a 18:25

Ambas ndata ti mbut ndjendjed’a. Ni kayam ndata ba, an ngobot yam tcho mata; ti noî sum matna woyo.

Ezekiyel 36:17

Ang gor sana, kid’a Israel-lâ a nga kaka yam andaga mazid’id’a, a mbud’ut ndjendjed’a ki tit mazid’a ki sun mazi d’a led’a. Tit mazi d’a avoronda ni ndjendjed’a d’igi atcha d’a fe buzunid’a na.

Romê-na 8:22

Kayam ei wei ala ki tchetchemba, ahle suma Alona mi lazina pet a nga zam taziya, a nga fe ndaka d’igi atcha d’a nga d’i fe ndaka á vutid’a na.

Jeremi 9:19

Jeremi mi dala: A nga hum del la tchina kur Siyon ala: Ni b’laga me ti mba kei na ge? Ni zulo me mi vei na ge? Ei arei ambasa, kayam yi mei ma kaka a b’lagam wa woyo!

Ezekiyel 36:13

Salad’a Ma didina mi dala: Suma a nga dagi mi agi ahuniyô suma Israel-lâ ala: Agi mud’ugi suma, agi dabagi grona handjaf sum magina tazid’a woi mi.

Sunda hi suma hi Levi-nid’a 18:27

Kayam suma a kak yam andaga d’a wanda avorogina a lahle ndazina, ambasa ti mbut ki ndjendjed’a wana.

Sunda hi suma hi Levi-nid’a 18:29

Kayam suma pet suma a mba le andjaf ndjendje d’a hina d’ina, a mba pad’azi woi aduk sum mazina.