Sunda hi suma hi Levi-nid’a 17:7 - Bible azumeina

⁷ Ar azi ngat ahle mazi suma ngat buzuna mi filei ma mi hle tam dedege d’igi mbekmberena na na d’i. Ar azi mbut tazi ndjendjed’a ki sed’em mbi. Gat ndata ti arî gat ta didinda kazi kandjavaziya.

Sunda hi suma hi Levi-nid’a 17:7 Referans Kwoze

1 Korente-na 10:20

Nga na d’i! Wani vama andjaf suma dingâ a nga ngad’am mi muzuk ma teteng ma tcho ma fileinina, nga ni mAlona d’i. Wani an min ala agi lagi darigïd’a ki muzuk ma teteng ma tcho ma fileina d’i.

Buzuk ka Abud’a 34:15

Ar agi djinigi vunagi ki suma kur ambas ndatina á mbud’ugi tagi ndjendjed’a kalo mazina d’oze á hum ahle suma ngat buzuna d’oze á yagi á tahle suma azi ngad’azi mi filei mazinina d’uo mi.

2 Sunda Hamuleinid’a 11:15

Jerobowam mi man suma ngat buzuna á kud’or alo ma hawa yak ma hle tam d’igi mbekmberena d’oze amuhlâ na ma mam tinim iram vam ata yima ndingîna.

Gat ta a hat á mbàd’id’a 32:17

Azi nga ngat buzuna mi muzuk ma tcho ma fileina, malo mala nAlo ma gagazina d’uo na, malo ma a wum nga d’uo na, malo ma awili ma abuyozi ngolo a wum nga d’uo na mi.

Sawal la giled’a 106:37

Azi nga he grozi suma andjofâ ki suma aropma vama ngat buzuna mi fileina.

Vama ndum mbeina 9:20

Ad’u suma a ar bei tchid’a abo ahle suma hindi ndazinina, a mbut nga huruzi yam ahle suma azi tazi lazina d’i. A ar nga bei kud’or muzuk ma tchona ki filei ma a lum ki lora ki ma kawei ma hapmina ki ma kawei ma hleuna kahinad’a kagunina d’i. Nahle suma ndak nga á wed’a d’oze á humba d’oze á tita d’uo na.

Ezekiyel 23:8

Ti nga d’i i avogovok ki gaulang mat ma ti tcholï ki sed’em Ezipte-na, kayam a zlap ki sed’et ni kid’a ndat ki gogorota dei, a lamat apot ni kid’a ndat ki gogorota dei, a le gaulang mazina ki sed’et mi.

Gat ta a hat á mbàd’id’a 31:16

Ma didina mi de mi Moise ala: Gola! Ang nga mid’a. Sum ndazina a mba mbut tazi gaulangâ kalona handjaf suma ding suma kur ambas sa azi nga kal kurut wanda, a mba aran ndeyo, a mba but vun ma djin ma an djinim ki sed’ezina woi mi.

Sunda hi suma hi Levi-nid’a 20:5

an mba ni mbut iran ata sa máma kadezemu, an mba ni pad’am mbei aduk sum mama ki suma pet suma a le tchod’a d’igi mam na á tuwal alo ma a yum ala Molo’îna.

Buzuk ka Abud’a 32:8

A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Buzuk ka Abud’a 22:20

Sama ar an Ma didina woi ta ba, mi hahle suma ngat buzuna malo ma dingîna, mbeî agi tchum mbeyo.

Efes-sâ 2:2

Ata yi máma agi tid’igi ni kur lovot ta suma tcho suma duniyad’a a nga tit kua ad’u ad’enga hamulâ hi muzuk ma akulo kur simetnina. Ni muzuk ma nga mi le sunda ki tchetchemba kur suma bei hum vun Alona ba na.

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

Jean 14:30

An dok de zla ki sed’egi ngol luo d’a, kayam ma te yamba hi duniyad’a nga mi djïya. Mi nga kad’enga kan ndi,

Jean 12:31

Ki tchetchemba, sariyad’a nga yam duniya ndata, an mba ni dik ma te yam duniya ndatina woi abua.

Jeremi 3:1

Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?

Sunda hi suma hi Levi-nid’a 3:17

Kayam ndata, ata yima lara ma agi mba kagagi kuana, agi mba tagi mbul loze buzuna d’uo mi. Zla ndata ti arî gat ta didinda yam andjavagi pet.

Sunda hi suma hi Levi-nid’a 17:8

Le ma Israel-lâ d’oze angei ma nga kak adigagina, mi he vama ngat buzu ma ngala d’oze vama ngat buzuna,

Sawal la giled’a 106:39

Azi mbut ni suma ndjendjed’a ki sun mazi d’a led’a, azi mbut ni suma gaulangâ ki sun mazi ndata mi.

Ezekiyel 23:3

A mbut tazi gaulangâ avo Ezipte, a mbut gaulangâ ni ki gugurei tazi d’ei. A lamazi apozi ni kolâ, a dozi apozi ni bei azi ngaf ki mandjuf ba.

Buzuk ka Abud’a 22:19

Sama bur ki d’uwarîna, mbeî agi tchum mbeyo.

Buzuk ka Abud’a 27:21

Ar Aron azi ki groma a tin lalamba kur zlub’u d’a ngaf tad’a avok baru d’a ka ir ra nga avok zanduk manid’a, kayam ti ngal avoron an Ma didina andjege dei gak yorogo. Gat ndata ti arî gat ta didinda yam Israel-lâ kur atchogoi mazid’a pet.