Sunda hi suma hi Levi-nid’a 17:11 - Bible azumeina

¹¹ Kayam arid’a hi vana ni kur buzuna, an hagizi yam yima ngal ahle suma ngat buzuna; ni kayambala mi zlup yam tcho magid’a d’a. Kayam ni buzu ma djang ngeina ba, mi zlup yam tchod’a, mi ar sana mi kak karid’a mi.

Sunda hi suma hi Levi-nid’a 17:11 Referans Kwoze

Hebre-na 9:22

D’igi gata ti de na, ahlena pet a mbuzuzi woi yed’et ni ki buzuna. Bei buzuna mi djang ngei ba ni, Alona nga mi vat hurum mbei yam tchod’a d’i.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

Romê-na 3:25

Ma mi ma Alona mi mbud’um vama ngat buzuna kayambala mi vat hurum mbei yam tchod’a hi suma a he gagazid’a kama d’a. Alona mi le hina á tak kei ala mam mi Ma d’ingêrâ, kayam mi ve tam bei ka sariyad’a yam tchod’a hi suma d’a a lat avoka.

Marik 14:24

Mi dazi ala: Ma wana ni buzuwanu, ni vun ma djin ma awilina hAlonina, ni buzu ma mba mi djang ngei yam ablau sumina.

Ad’u Tinda 9:4

Agi mud’ugi vama nga ki buzuwam kuruma d’i, kayam arid’a ni kur buzuna.

Kolos-sâ 1:14

Ni Ma wurak keina, ni Ma hurum vat tei yam tcho meid’a mi na.

Matiye 26:28

kayam ma wana ni buzuwanu. Ni vun ma djin ma awilina hAlonina, ni buzuwan ma mba mi djang ngei yam ablau sumina, kayambala Alona mba mi vat hurum mbei yam tcho mazid’a d’a.

Hebre-na 13:12

Kayam ndata, Jesus mi fe ndaka woi bugol azina á mbus suma woi yed’et ki buzuwamu.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Sunda hi suma hi Levi-nid’a 17:14

Arid’a hahlenid’a pet ni kur buzuwaziya. Ni kayam ndata ba, an de mi Israel-lâ ala: Ar agi tagi buzuna hi va tu d’i, kayam arid’a hahlenid’a pet ni kur buzuwaziya. Sama lara ma mi te buzunina, a mba pad’am mbei aduk sum mama.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.

Kolos-sâ 1:20

Ni kayam ndata ba, Alona mba ki b’leng nga halasa yam buzuna hi Gorom ma djang ngei ata agu ma b’alina. Kayam ndata, Alona mi zlap ahlena pet darigïd’a ki mamu, nala, ahle suma yam andagad’ina kahle suma sä akulona mi.

Romê-na 5:9

Ki tchetchemba, Alona mi mbud’i suma d’ingêrâ avorom yam buzuna hi Christ ma mi djang ngeina. Wani kal pet, Christ mba mi sud’i woi kur ayîna hAlonina mi.

Sunda hi suma hi Levi-nid’a 8:15

Moise mi ngad’amu, mi go buzuna, mi yamam akulo ki tchitchid’am tu keng yima ngal ahle suma ngat buzuna, mi nguyum mbei d’uhl á tinim iram vamu. Bugola, mi vo buzuna kä ata kawei ma kä ad’u yima ngal ahle suma ngat buzunina á tinim iram vam á le sun nda zlup yam tchod’id’a kua.

1 Jean 2:2

Ni ma he tam mbei vama ngat buzuna kei kayambala Alona mi vat hurum mbei yam tcho meid’a d’a. Nga ni yam tcho meid’a hol li, wani ni yam tchod’a hi suma pet mi.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Sunda hi suma hi Levi-nid’a 16:11

Aron mi hamuhl mama vama ngat buzuna á zlup yam tcho mamba ki d’a hi sum mamid’a, mi ngat amuhl mama yam tchod’a.

Sunda hi suma hi Levi-nid’a 1:5

Ar mi ngat gor amuhlâ kä avogon an Ma didina. Bugola, suma ngat buzuna Aron groma a gas buzuna avogonu, a yamam huyok yima ngal ahle suma ngat buzu ma nga avun zlub’ud’ina.

Sunda hi suma hi Levi-nid’a 17:12

Ni kayam ndata ba, an de mi Israel-lâ ala: Ar sa adigagi mi te buzuna d’uo ni na, ar angei ma nga kaka adigagina mi te buzuna d’uo mi.

Sunda hi suma hi Levi-nid’a 4:25

Ma ngat buzuna mi nik tchitchid’am tu aduk buzuna hi vama a hum vama ngat buzuna á zlup yam tchod’a máma, mi yamam akulo keng yima ngal ahle suma ngat buzu ma a ngal he d’a hawa d’a ngala kuana, mi vo buzu máma kä kur kawei ma kä ad’uma mi.

Sunda hi suma hi Levi-nid’a 4:26

Mi ngal mbul amuhl máma yam yima ngal ahle suma ngat buzuna pet d’igi a ngal mbul amuhl ma a hum vama ngat buzu ma zlap darigïd’a na mi. Mi le kamul máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Gat ta a hat á mbàd’id’a 12:23

Wani agi gologi tagi djiviya, agi tagi buzuna d’i, kayam buzuna ni arid’a hi vana. Ar agi tagi buzu mala arid’a hi vana ni kuana zlapa ki hliuna d’i.