Sunda hi suma hi Levi-nid’a 17:10 - Bible azumeina

¹⁰ Le ma Israel-lâ d’oze angei ma nga kaka adigagina, mi te buzuna hi vama lara ni, an mba ni mbut iran ni kak djangûna ki sama te buzu mámina, a mba pad’am mbei aduk sum mama.

Sunda hi suma hi Levi-nid’a 17:10 Referans Kwoze

Sunda hi suma hi Levi-nid’a 17:11

Kayam arid’a hi vana ni kur buzuna, an hagizi yam yima ngal ahle suma ngat buzuna; ni kayambala mi zlup yam tcho magid’a d’a. Kayam ni buzu ma djang ngeina ba, mi zlup yam tchod’a, mi ar sana mi kak karid’a mi.

Gat ta a hat á mbàd’id’a 12:23

Wani agi gologi tagi djiviya, agi tagi buzuna d’i, kayam buzuna ni arid’a hi vana. Ar agi tagi buzu mala arid’a hi vana ni kuana zlapa ki hliuna d’i.

Gat ta a hat á mbàd’id’a 12:16

Wani agi tagi buzuna d’i, agi vom kä woi yam andagad’a d’igi mbina na.

Sunda hi suma hi Levi-nid’a 3:17

Kayam ndata, ata yima lara ma agi mba kagagi kuana, agi mba tagi mbul loze buzuna d’uo mi. Zla ndata ti arî gat ta didinda yam andjavagi pet.

Jeremi 44:11

Jeremi mi de kua ala: Ni kayam ndata ba, Ma didin ma ad’engêm kal petna, Alona hi Israel-lîna, mi dala: Gola! An nga ni mbut iran atagi á lagi tchod’a á dap suma Juda-na woi pet.

1 Samuel 14:33

Suma a de mi Saul ala: Suma a le wa tchod’a avok Ma didina, kayam a nga mut ahlena ki buzuwaziya. Amulâ Saul mi er ad’um akulo ala: Agi ni suma mbut ira! Agi ligid’anï ahina d’a ngola ka hî atogo.

Sunda hi suma hi Levi-nid’a 26:17

An mba ni mbut iran kak djangûna ki sed’egiya. Agi mba tchugugi susub’ok abo magi suma djangûna; suma a noyôgina a mba te kagiya; agi mba tinigi tagi ringâ avorozi bei azi digigi ba.

Ad’u Tinda 9:4

Agi mud’ugi vama nga ki buzuwam kuruma d’i, kayam arid’a ni kur buzuna.

Ezekiyel 44:7

Ata yima agi mbagi kangoyogei suma bei a ngad’azi bayâd’a suma a ge nga yazi kä ad’u vun man ma hed’a d’uo na kur gong man nda kud’orina, agi mbud’ut ndjendjed’a. Ata yima agi nga hagi avungô mana ki mbulâ ki buzuna he d’a hawad’a mi filei magi ma ndjendjed’ina, agi bud’ugi ni vun man ma djin ma an djinim ki sed’egina woyo.

Ezekiyel 15:7

An mba ni mbut iran ni ngoboziya. A mba djib’er ala a buzuk kei aduk akud’a da’, wani akud’a mba d’i ngalaziya. Fata an mbut iran á ngobozid’a, agi mba wagi ala an ni Ma didina.

Ezekiyel 14:8

An mba ni mbut iran ni ngop sa máma, an mba ni mbud’umî vama taka ki vama ndala, an mba ni pad’am mbei aduk sum mana. Hina wani, agi mba wagi ala an ni Ma didina.

Sawal la giled’a 34:16

Ma didina iram nga tinda yam suma d’ingêrâ, humam nga tinda á hum tchi mazina mi.

Gat ta a hat á mbàd’id’a 15:23

Wani agi tagi buzuna d’i, agi vom kä woi andaga d’igi mbina na.

Sunda hi suma hi Levi-nid’a 19:26

Agi tagi va ki buzuwam mbi, agi tuwalagi fileina d’i, agi djobogi fileina d’uo mi.

Ezekiyel 33:25

Ang dazi ala: An Salad’a Ma didina ni dala: Agi nga mud’ugi hliuna ki buzuna, agi nga kud’urogi filei magina, agi nga tchagi matna mi. Ni nana ba, agi mba hlagi ambasa djona ge?

Jeremi 21:10

Kayam an nga ni mbut iran á le sulu’â mi suma kur azì ma wanina, nga ni ngalam mbei kakud’a. An mba sud’um mbi. An Ma didina ni de na.

Sunda hi suma a sunuzinid’a 15:20

Wani ei b’irizi mbaktumba ala azi tahle suma a ngad’azi á tuwal fileinina d’i, a le mizeuna d’i, a te vama guluta d’oze buzuna d’uo mi.

Hebre-na 10:29

Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu?

Sunda hi suma a sunuzinid’a 15:29

Agi tagi ahle suma a ngad’azi á tuwal fileinina d’i, agi tagi buzuna d’i, agi tagi vama guluta d’i, agi gologi tagi djivi ki mizeuna. Le agi walagi tagi woi kahle ndazina hina ped’u ni, agi mba kagagi ki lafiya d’a. Ar Alona mi ndjunugiya.

1 Samuel 14:32

a nde yo ahlena hi Filistê-nina, a yo aho’â, amuzleina ki grozina, a ngad’azi ata yi máma, a mud’uzi ki buzuwaziya.

2 Samuel 23:17

David mi dala: Ma didina, ar an lahle ndazina d’i. Wana ni buzuna hi suma a he tazi woi á matnina d’uo zu? Mi tchum nga d’i. Wana ni vama grang suma hindi ndazina a luma.

Amos 9:4

Le mazi suma djangûna a yozi a izi avo hatazi pî, an mba ni he vuna a mba tchazi sä kua, an mba ni tin iran kazi ná lazi djivid’a d’i, wani ná lazi tchod’a.

Buzuk ka Abud’a 30:33

Sama lara ma yor andjaf mbul ma d’igi mbul máma na na d’oze ma mi vom yam sama nandjaf Aron nduo nina, a mba pad’am mbei aduk sum mama.