Sunda hi suma hi Levi-nid’a 16:3 - Bible azumeina

³ Wana ni lovot ta Aron mba mi kal ki kur yima a tinim iram vam ma kal teglesid’a: Mi vamuhl ma azongâ yam vama ngat buzu ma zlup yam tchod’a, mi ve gamlâna yam vama ngat buzu ma ngala.

Sunda hi suma hi Levi-nid’a 16:3 Referans Kwoze

Sunda hi suma hi Levi-nid’a 4:3

Le ni ma ngat buzu ma a vom mbulâ kam á tinim iram vama ba, mi le tchod’a mi b’lak ablaud’a ni, mi hamuhl ma azong ma bei daka ba na vama ngat buzuna mi an Ma didina á zlup yam tcho d’a mi lata.

Hebre-na 9:7

Wani ni ma ngol ma ngat buzuna hol ba, mi kal kur zlub’u d’a mbàd’a yam tu kur bizad’a. Mi kalî ki buzu ma mam ngad’am yam tcho mambina, yam tchod’a hi suma d’a a lat kur vitid’a mi.

Sunda hi suma hi Levi-nid’a 8:18

Mi mba ki gamlâ ma a hum vama ngat buzu ma ngalina. Aron azi ki groma a tin abozi kamu.

Sunda hi suma hi Levi-nid’a 1:10

Le he d’a hawa mam mba ngala ni d’uwar ma gureina, nala, gor timina d’oze gor b’ëna ni, ar mi he ni mandjuf ma bei daka ba na.

Hebre-na 9:12

Christ mi kal ata yima Alona mi tinim iram vam ma kal teglesâ, ni ki buzuwa aho’â d’oze buzuwa gro amuzleina abom mbi, wani mi kalî ki buzuwam mam tamba yam tu á wurak kei gak didin.

Sunda hi suma hi Levi-nid’a 9:3

Ang de mi Israel-lâ ala: Agi vagi mbekmberena á hum vama ngat buzuna á zlup yam tchod’a, agi vagi amuhl ma gorâ ki timi ma gorâ suma bizazi tutu suma bei dakina á hazi ahle suma ngat buzu suma ngala,

Sunda hi suma hi Levi-nid’a 8:14

Moise mi mba kamuhl ma a hum vama ngat buzuna á zlup yam tchod’ina. Aron azi ki groma a tin abozi yam amuhl máma.

Sunda hi suma hi Levi-nid’a 1:3

Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

Sunda hi suma hi Levi-nid’a 4:1

Ma didina mi de mi Moise ala:

Sunda hi suma hi Levi-nid’a 16:6

Aron mi hamuhl máma vama ngat buzu ma zlup yam tcho mamba ki d’a hi sum mamid’a.

Sunda hi suma hi Levi-nid’a 9:2

mi de mi Aron ala: Ang i veï amuhl ma gor ma bei dakina á hum vama ngat buzuna á zlup yam tchod’a ki gamlâ ma bei dakina á hum vama ngat buzu ma ngala, ang mbazï avok Ma didina.