Sunda hi suma hi Levi-nid’a 16:14 - Bible azumeina

¹⁴ Mi go buzuna hamuhlîna, mi yamam ki tchitchid’am tu ata yima we hohoud’a abom ma yorogona, mi yamam ki tchitchid’am yayam yam kid’iziya avok yima we hohoud’a.

Sunda hi suma hi Levi-nid’a 16:14 Referans Kwoze

Hebre-na 9:25

Wani Christ mi he nga tam vama ngat buzuna mAlona yam ablaud’a d’igi ma ngol ma ngat buzuna nga mi kal ata yima a tinim iram vama bizad’a ki bizad’a ki buzuna haho’îna na d’i.

Hebre-na 9:13

Le buzuwa aho’â ki buzuwa amuzlei suma andjuveina ki butna hamuhl hla weid’a suma azi nga yamazi yam suma a mbut ndjendjed’ina á mbud’uzi woi yed’et avok Alona kur hliuna ni,

Hebre-na 10:4

Kayam buzuwa amuzlei suma andjuveina ki buzuwa aho’â a ndak á hle tchod’a woi d’i.

Hebre-na 9:7

Wani ni ma ngol ma ngat buzuna hol ba, mi kal kur zlub’u d’a mbàd’a yam tu kur bizad’a. Mi kalî ki buzu ma mam ngad’am yam tcho mambina, yam tchod’a hi suma d’a a lat kur vitid’a mi.

Sunda hi suma hi Levi-nid’a 8:11

Mi yam mbulâ yam yima ngal ahle suma ngat buzuna kahle suma kama, yam hal ma ngol ma mbus abona ki kawei ma ad’um kä na yayam yam kid’iziya á tinizi irazi vaziya.

Sunda hi suma hi Levi-nid’a 4:17

mi nik tchitchid’am tu aduk buzuna, mi yamam ata baru d’a ka ira yayam yam kid’iziya avogon an Ma didina.

Hebre-na 12:24

Agi mbagi go gen Jesus ma aduk suma kAlona yam vun ma djin ma awilina ki buzuwam ma yama a nga dum zlam djivid’a kal buzuna hi Abel-lîna.

Hebre-na 10:19

Kayam ndata b’oziyona, ei ndak á kalei ata yima Alona mi tinim iram vam ma kal teglesâ bei mandarâ ba ni yam buzuna hi Jesus-na.

Hebre-na 9:21

Hina, mi yam buzuna ata zlub’ud’a kahle suma sun suma a nga kud’or Alona ki sed’ezina pet mi.

Sunda hi suma hi Levi-nid’a 16:19

Mi yamam ki tchitchid’am ata yima ngal ahle suma ngat buzuna yayam yam kid’iziya, mi mbud’um yed’et, mi tinim iram vam yam ndjendjed’a hi Israel-lîd’a.

Ndumba 19:4

Ma ngat buzuna Elazar mi do buzuna ki tchitchid’amu, mi yamam avun zlub’u d’a ngaf tad’a yayam yam kid’iziya.