Sunda hi suma hi Levi-nid’a 16:12 - Bible azumeina

¹² Mi hle vama yo akud’a, mi oyôm ki gordjo ma hîhîk ma akulo yam yima ngal ahle suma ngat buzuna avogon an Ma didinina, mi yo dubang ma his djivid’a ma a giligima hur abom tutuk mbà, mi i ki sed’em bugol baru d’a ka ira.

Sunda hi suma hi Levi-nid’a 16:12 Referans Kwoze

Sunda hi suma hi Levi-nid’a 10:1

Nadap azi ki Abihu, Aron groma, nge nge pî mi hleï va mam ma yo akud’a, mi yo akud’a kua, mi tchuk dubang ma his djivid’ina kua, a mbam avok Ma didina. Naku d’a ding nga Alona mi hazi nga vuna kat tuo d’a.

Ndumba 16:46

Moise mi de mi Aron ala: Ang hle vama yo aku mang ma kaweina, ang tchuk aku d’a nga yam yima ngal ahle suma ngat buzunid’a kuru, ang tchuk dubang ma his djivid’ina kad’u, ang i gen ablaud’a atogo zak á zlubut yam tcho mata, kayam Ma didina hurum zal wa, tugud’ei d’a tcho d’a tchi matna ti tin wa ad’ud’a da’!

Ndumba 16:18

Kore ki sum mama a hum zla ndata. Nge nge pî mi hle va mam ma yo akud’a mi tchuk gordjona kuru, mi tchuk dubang ma his djivid’ina kad’u, a mba tchol avun zlub’u d’a ngaf tad’a. Moise azi ki Aron a mba mi.

Buzuk ka Abud’a 31:11

mbul ma a tinim iram vam á vom yam sumina ki dubang ma his djivid’a ma yam zlub’u d’a kud’orina. Azi mba lazi pet d’igi an hang vuna na.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

Buzuk ka Abud’a 37:29

Mi gizeî mbul ma a tinim iram vam á vom yam suma ata yima a mba tinizi ki kur sundina ki dubang ma his djivid’a ma a tinim iram vama, mi hlumum d’igi sama d’al ma yor mbulâ mi hlumum na.

Hebre-na 9:7

Wani ni ma ngol ma ngat buzuna hol ba, mi kal kur zlub’u d’a mbàd’a yam tu kur bizad’a. Mi kalî ki buzu ma mam ngad’am yam tcho mambina, yam tchod’a hi suma d’a a lat kur vitid’a mi.

Vama ndum mbeina 8:5

Malaikana mi hle angala, mi oyôt kaku d’a nga ata yima ngal dubang ma his djivid’ina, mi gat yam andagad’a. Ata yi máma na wat, alona mi wile, mi breyâ, dela ti de zlad’a mi. Ata yi máma, andagad’a ti nde yira.

Gat ta a hat á mbàd’id’a 33:10

Ni azi ba, a nga hat vun mang ma hed’a mi suma hi Jakob-ma, a nga hat gat manga mi Israel-lâ, a nga he dubang ma his djivid’ina kahle suma ngat buzu suma ngala yam yi mang ma ngal ahle suma ngat buzuna mi.