Sunda hi suma hi Levi-nid’a 15:27 - Bible azumeina

²⁷ Sama lara ma mi do ahle ndazinina, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 15:27 Referans Kwoze

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Ezekiyel 36:29

An mba ni mbud’ugi woi yed’et kur ndjendje magi d’a lara ge pet, an mba ni hagi gemena, an mba ni wulumu, an mba ni ar baktarad’a ti nde kagi d’uo d’a.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Sunda hi suma hi Levi-nid’a 15:21

Sama lara ma mi do azang matnina, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 15:13

Le sama mbil máma mi mbut tei yed’et kur mbiyo ma djang atama ni, mi ndum burâ kid’iziya yam mbut ta mam mba mi mbut yed’eta, mi mbus baru mama woyo, mi mbus tam mbei aduk mbiyo ma laud’a; mba mi mbut yed’et.

Sunda hi suma hi Levi-nid’a 15:26

Azang ma lara ma ndat ti bur kam ata yima buzuna nga mi djang atatna, mba mi mbut ndjendjed’a d’igi azang ma buzuna mi fat ndat bur kama na; vama lara ma ndat kak kama, mba mi mbut ndjendjed’a d’igi kur bur ma buzuna mi fat ndat ti mbut ndjendjed’ina na mi.

Sunda hi suma hi Levi-nid’a 15:28

Le buzu mat ma djangâ ka wa ni, ti ndum burâ kid’iziya. Bugol bur máma mba d’i mbut yed’et.

Sunda hi suma hi Levi-nid’a 11:24

Ma didina mi de kua ala: Ni azi ba, mba mbud’ugi ndjendjed’a. Sama lara ma mi dozi harazina, mba mi mbut ndjendjed’a gak fladege.

Ndumba 19:22

Vama lara ma sama ndjendjed’a mi doma mba mi mbut ndjendjed’a; sama mi doma mba mi kak ki ndjendjed’a gak fladege mi.