Sunda hi suma hi Levi-nid’a 14:22 - Bible azumeina

²² Mi yo gugu bed’egera mbà, d’oze gugu d’a avo d’a gureid’a mbà, ngad’a yam fe mamba, tu yam vama ngat buzu ma zlup yam tchod’a, tu yam vama ngat buzu ma ngala mi.

Sunda hi suma hi Levi-nid’a 14:22 Referans Kwoze

Ezekiyel 7:16

Mazi suma a mba arâ a mba ring akulo yam ahuniyôna d’igi gugu d’a kur horid’a na á sut taziya. Azi pet nge nge pî mba mi zam tam yam tcho mamba.

Jeremi 48:28

Agi suma nga kaka Mowap-ma, agi aragi azì ma nglona woyo, agi i kagagi aduk ahuniyôna, agi kagagi d’igi gugud’a ti min aziyat apei zul la ahinad’a na.

Isai 59:11

Ami nga tchimi d’igi ambur ma a yum ala ursâ na, ami nga yoromi tami d’igi gugud’a na, ami tinimi hurumi ni yam sariya d’a d’ingêra, wani ami nga fat ti, ami nga halami suta, wani ti wal lei dei ki sed’emiya.

Isai 38:14

An nga ni tchi d’igi ababeina mi tchina, an nga ni zam tan d’igi gugud’a na. Iran ndi mbut hohoud’a abo so d’a ni so iran akulod’a. Ma didina, an nga kur ndaka. Ang ndjununu.

Sawal la kal teglesa 2:14

Gugu manda, ndak ka nga kaka angra ahinad’id’a, ndak ka nga ngei d’a kä ata yima ligitimid’a, ar an wak iragu, ar an humuk delegu, kayam delek ki djivid’a, irak ki djif heî mi.

Sawal la giled’a 68:13

A dala: Amuleina ki b’rang mazid’a a ringâ. A ringâ, wani atcha d’a ti ar kaka avo hurazinid’a, ti nga d’i b’rau ahle suma a hurumuzïna.

Sunda hi suma hi Levi-nid’a 5:7

Ma didina mi de kua ala: Le sana mi nga ki va á gus ahu d’uo ni, mi he gugu bed’egera d’oze gugu d’a avo d’a gureid’a mbà mi an Ma didina yam tcho d’a mam lata; tu á zlup yam tcho mamba, tu á ngala mi.

Sunda hi suma hi Levi-nid’a 14:21

Ma didina mi de kua ala: Le sama libina mi houd’a, ahligiyem ndak nga d’uo ni, mi ve gor timina tu yam vama ngat buzu ma tchilad’a, a gazam akulo avogon an Ma didina á zlup yam tcho mamba. Mi nga afuta kilona hindi, mi tib’eget ki mbulâ á hat he d’a hawad’a zlapa ki mbulâ nus lidirâ.

Sunda hi suma hi Levi-nid’a 14:24

Ma ngat buzu máma mi ve gor timi ma a hum vama ngat buzuna yam tchilad’ina zlapa ki mbul ma nus lidirîna mi, mi gazazi akulo avogon an Ma didina.

Sunda hi suma hi Levi-nid’a 15:14

Kur bur ma klavandina mi yo gugu bed’egera mbà, d’oze gugu d’a avo d’a gureid’a mbà, mi mba ki avogon an Ma didina avun zlub’u d’a ngaf tad’a, mi hazi mi ma ngat buzuna.

Ndumba 6:10

Kur bur ma klavandina, mi mba ki gugu bed’egera mbà d’oze gugu d’a avo d’a gureid’a mbà mi ma ngat buzuna avun zlub’u d’a ngaf tad’a.