Sunda hi suma hi Levi-nid’a 13:2 - Bible azumeina

² Le sana tam mbi mbrudjuk koze d’ud’ub’od’a buzuk atam mboze tam mbi ndal hapa, le ni mbilâ hi libinina ni, agi im mi ma ngat buzuna Aron, d’oze mi sa tu aduk grom suma ngat buzuna.

Sunda hi suma hi Levi-nid’a 13:2 Referans Kwoze

Gat ta a hat á mbàd’id’a 24:8

Moise mi de kua ala: Yam zlad’a hi libinid’a, agi ngomogi zlad’a pet ta suma ngat buzu suma hi Levi-na a had’agizid’a, agi ngomogizi djiviya, agi tid’igi yam ahlena pet suma an hagi vuna kazina mi.

Sunda hi suma hi Levi-nid’a 14:56

yam mbrudjuka, yam bigriuna ki ndal la ndundub’uka.

Sunda hi suma hi Levi-nid’a 14:3

Ma ngat buzu máma mi nde woi abu kur kangâ. Le mi wala ma libi máma mi tchil wa kur tugud’ei mam mba libina ni,

Wana ni Zla d’a Djivi d’a Luc mi b’irita 17:14

Ata yima mi wazina, mi dazi ala: Agi i tagagi tagi mi suma ngat buzuna. Kid’a azi nga id’a, libi mazina mi yak keyo.

Wana ni Zla d’a Djivi d’a Luc mi b’irita 5:14

Jesus mi gad’am ala: Ang de zla ndata mi sa d’i. Wani ang iya, ang simat tang mi ma ngat buzuna mAlona, ang he vama ngat buzu ma Moise mi he vuna kama yam yak manga á tagazi woi ala ang yak wa woi da’.

Marik 1:44

mi dum ala: Ang gol tang djiviya! Ang de mi sa d’i, wani ang iya, ang simat tang mi ma ngat buzuna mAlona, ang he vama ngat buzu ma Moise mi he vuna kama yam yak manga á tagazi woi ala ang yak wa woi da’.

Matiye 8:4

Jesus mi hulong dum ala: Ang gol tang djiviya. Ang de mi sa d’i, wani ang iya, ang simat tang mi ma ngat buzuna mAlona, ang he vama ngat buzuna ma Moise mi he vuna kama he d’a hawad’a yam yak manga á tagazi woi ala ang yak wa woi da d’a.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Isai 3:17

Kayam ndata, Ma didina mba mi yozi yazi woyo, mba mi arazi gandilad’a mi.

Isai 1:6

Tin ad’ud’a kä ata asema dei gak i akulo ata yamba, vama djivi nga d’i, ni mbilâ vam tu ki zlita ki mbil ma ngadja’eî ma bei sana mi mbuzum mbei d’oze mi vom mbulâ iram mboze mi djinim ba na.

2 Amuleina 5:27

Kayam ndata, libina hi Näman-na mba mi djogong kandjavang gak didin. Ata yima Gehazi mi nde woi abu avok Elise-na, libina mi zagam hapa mbû d’igi gagarad’a na.

2 Amuleina 5:1

Ma ngolâ hi azigar ma Siri-na a yum ala Näman, salama mi lum ad’um heî, mi suburum heî mi. Ni kayam mam ba, Ma didina mi had’enga mi suma Siri-na á kus ayîna. Mam mi grang ma gagazina, wani mi ni libina.

2 Samuel 3:29

Ar buzuwam mi hulong yam Jowap azi ki sum mama pet, ar suma avo hi Jowap-ma tugud’ei d’a djang buzuna laziya, d’oze libina kaziya, suma dingâ a djin aguna, suma dingâ a tchazi ki mbigeu d’a fiyaka, suma dingâ a fe tena d’uo mi.

Gat ta a hat á mbàd’id’a 28:27

Ma didina mba mi tumugi ki mbil ma Ezipte-na ki tugud’ei d’a a yat ala emerota ki vuyoka ki ta d’a mburdjuk ka bei tchila ba d’a.

Ndumba 12:10

D’ugula ti tan ndei yam zlub’ud’a. Gol wani, libina mi zak Miriyam; tat mbut hapa d’igi gagarad’a na. Aron mi mbut iram mi golod’u, mi we libina mi nga atad’u.

Sunda hi suma hi Levi-nid’a 14:35

sala gonga mi i de mi ma ngat buzuna ala: An we vana d’igi tugud’eid’a na kur gong manda.

Ndumba 12:12

Ar Miriyam ti mbut d’igi gor ma mid’ï kur asum pang ma hliwim bol ata yima a vud’uma na d’i.

Sunda hi suma hi Levi-nid’a 13:1

Ma didina mi de mi Moise azi ki Aron ala:

Sunda hi suma hi Levi-nid’a 13:3

Ma ngat buzu máma mi gol mbil ma atam máma. Le tumus sa ata yima mbil mámid’a ti mbut hapa, le yima mbil máma mi djugot zula kä ni, ni libina. Ma ngat buzu máma mi gol yima mbil máma, mba mi de woi kam ala: Sama wana ni sama ndjendjed’a.

Sunda hi suma hi Levi-nid’a 13:8

Ma ngat buzu máma mi golom kua. Le d’ud’ub’od’a ti ring ngeyo ni, ma ngat buzu máma mi de woi kam ala: Sama wana ni sama ndjendjed’a! Vama atama ni libina.