Sunda hi suma hi Levi-nid’a 11:34 - Bible azumeina

³⁴ Vama te ma lara ma mbiyo máma mi yam atama, mi mbut ni ndjendjed’a; vama tche ma lara ma nga kur dei ma lara ma mbiyo máma mi yam atama, mi mbut ni ndjendjed’a mi.

Sunda hi suma hi Levi-nid’a 11:34 Referans Kwoze

Wana ni mbaktum mba Paul mi b’irit mi Tit-ta 1:15

Ir suma yed’etna, ahlena pet ni yed’et; wani ir suma tchona ki suma bei he gagazid’a, vama yed’etna nga d’i. Ne mazid’a ki djib’er ra kuruzi krovod’a ni ndjendjed’a.

Zla d’a d’ogolâ 28:8

Sama nga mi i ndjondjoî mamba avok ki bege d’a mi hat mi suma ki mbiyo ma ngolîd’a, mi togot ni mi sama nga mi hahlena mi suma kid’akina.

Zla d’a d’ogolâ 21:27

Vama ngat buzuna hi suma asa’atnina ni vama ndjendjed’a, ni vama ndjendje ma kalâ ata yima azi mbam ki djib’er ra tchod’ina mi.

Zla d’a d’ogolâ 21:4

Subur tad’a ki yam mba ad’enga a nga tak tchod’a hi suma asa’atnid’a woi d’igi lalamba nga d’i b’o na.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Sunda hi suma hi Levi-nid’a 11:33

Le harazi mi nde ni kur dei ma andagad’a ni, ahle suma kuruma pet a mbut ni ndjendjed’a; agi togi dei máma woyo.

Sunda hi suma hi Levi-nid’a 11:35

Vama lara ma har ahle ndazina nde kuana, le ni fürâ d’oze givina pî, a mbut ni ndjendjed’a. Agi tozi woyo, agi golozi nahle suma ndjendjed’a mi.