Sunda hi suma hi Levi-nid’a 11:3 - Bible azumeina

³ Agi mud’ugi d’uwarâ kazurei suma abozi graka suma a gihl hatnina pet.

Sunda hi suma hi Levi-nid’a 11:3 Referans Kwoze

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

1 Timote 4:15

Ang djib’er yam ahle ndazina, ang lazi pet. Hina wani, suma pet a mba we i mang nga avogovoka.

Sunda hi suma a sunuzinid’a 17:11

Sum ndazina djib’er mazid’a djivid’a kal Juif suma Tasaloni’â, kayam a ve zla ndata kabozi ma mbàna. A nga hal kur mbaktumba hAlonid’a burâ ki burâ á wahle suma Paul mi dazina ni gagazi zu?

Zla d’a d’ogolâ 9:6

Agi noyôgi bei wad’ud’a woyo. Hina wani, agi mba kagagi karid’a. Ar agi tid’igi kur lovot ta wad’ud’a.

Zla d’a d’ogolâ 2:10

Hina wani, ned’a mba d’i kal kurungû, wad’ud’a mba d’i lang tang djivid’a mi.

Sunda hi suma hi Levi-nid’a 11:2

Agi i dagi mi Israel-lâ ala: Aduk d’uwarâ kazurei suma yam andagad’ina pet suma agi mud’ugizina ba wana:

Sunda hi suma hi Levi-nid’a 11:4

Wani agi mud’ugi ni d’uwarâ kazurei suma abozi grakina go d’i, agi mud’ugi ni suma a gihl hatnina go d’uo mi. Suma agi mud’uzi d’uo na ba wana: Djambala: Ti gihl hatna, wani abot nga graka d’i; agi golot ni vama ndjendjed’a.

Sunda hi suma hi Levi-nid’a 11:5

Mumuruguma: Mi gihl hatna, wani abom nga graka d’i; agi golomî vama ndjendjed’a.

Sunda hi suma hi Levi-nid’a 11:6

Aveveta: Ti gihl hatna, wani abot nga graka d’i; agi golot ni vama ndjendjed’a.

Sunda hi suma hi Levi-nid’a 11:7

Kozongâ: Abom graka, wani nga mi gihl hatna d’i; agi golomî vama ndjendjed’a.

Sunda hi suma hi Levi-nid’a 11:26

D’uwarâ kazurei suma abozi nga graka d’uo suma a nga gihl hatna d’uo na pet, agi golozi nahle suma ndjendjed’a; sama lara ma mi dozina, mba mi mbut ndjendjed’a.

Gat ta a hat á mbàd’id’a 14:6

Azurei suma abozi mi graka suma a gihl hatnina pet, agi mud’uziya.

Gat ta a hat á mbàd’id’a 14:8

Ar agi mud’ugi kozongâ d’i; abom graka ko, wani nga mi gihl hatna d’i. Ar agi mud’ugi ahle ndazina d’i, agi dozi harazi d’uo mi.