Kolos-sâ 3:13 - Bible azumeina

¹³ Agi vagi tagi yam tagiya, agi vad’agi hurugi woi yam tagi mi. Le sa adigagi mi nga ki zlad’a ki ndrama ni, ar a vat huruzi woi yam tazi d’igi Salad’a hurum vat tei kagi na mi.

Kolos-sâ 3:13 Referans Kwoze

Efes-sâ 4:32

Wani agi lagi djivid’a aduk tagiya, agi wagi hohowa tagi mi. Ar agi vad’agi hurugi woi yam tagi d’igi Alona mi vat hurum mbei kagi yam Christ na mi.

Marik 11:25

Le agi nga tchologi á tchen Alona, le agi nga ki hur ma zala yam sa ni, ar hurugi vat tei kamu. Hina wani, Abugi ma sä akulona hurum mba mi vat tei yam tcho magid’a mi. [

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Efes-sâ 4:2

ki lulumad’a ki kukud’uka zlapa ki ve tad’a burâ ki burâ. Agi vagi tagi ad’enga á le od’a yam tagiya.

Matiye 6:12

Ar ang vat hurung ngei yam tcho mamid’a d’igi ami nga vad’ami hurumi woi yam suma a nga lami tchod’ina na mi.

2 Korente-na 6:6

Ami nga tagami woi ala ami nazungeîna hAlonina, kayam ami ni suma yed’etna kur we mamid’a, kur ve ta mamid’a ki djivi mamid’a, kad’enga hi Muzuk mamid’a ki o mami d’a bei lop ira ba d’a

Galat-na 6:2

Ar agi ndjunugi tagiya, agi hlagi aneka woi yam tagiya. Hina wani, agi oyôgi ni vun gata hi Christ-sa.

2 Korente-na 2:10

Le agi vad’agi hurugi yam sa ni, an vat hurun ndei kam mi. Le an vat hurun ndei yam sa ni, an vat hurun ndei kam ni yam agi avok Christ,

Wana ni Zla d’a Djivi d’a Luc mi b’irita 23:34

Jesus mi dala: Abunu, ang vat hurung ngei kaziya, kayam azi we nga vama azi nga luma d’i. A b’rau baru mamba aduk taziya, a tumut gumara.

Wana ni Zla d’a Djivi d’a Luc mi b’irita 11:4

Ar ang vat hurung ngei yam tcho mamid’a, kayam ami vad’ami hurumi woi yam nge nge pî ma nga mi lami tchod’ina mi. Ar ang imi kur kuka d’i.

Matiye 5:44

Wani an nga ni dagiya, agi lagi od’a yam magi suma djangûna, agi b’agi vuna yam suma a nga gagi vunina, agi lagi djivid’a mi suma a nga noyôgina, agi tchenegi Alona yam suma a nga lagi tchod’ina, yam suma a nga djobogi vunagina mi.

1 Pierre 2:21

Ni kayam ndata ba, Alona mi yagi kiya, kayam Christ mi fe wa ndaka kagi da’. Mi aragi ni vama simata, kayam agi tid’igi balum asemu.

Romê-na 15:7

Ar nge nge pî adigagi mi ve wiyema atam d’igi Christ mi vagi atam yam subura hAlonid’a na.

Kolos-sâ 3:12

Kayam ndata, agi suma Alona mi managi suma yed’et suma hurum vagi heîna, agi tchugugi we hohoud’a ki od’a ki djivi d’a led’a ki ge yam mba kad’a ki lulumad’a ki ve tad’a atagiya.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Zla d’a d’ogolâ 19:11

Sama wad’ud’a nga mi mbut ayîna atogo d’i. Subur mamba ni djib’er ra nga mi djib’er yam tcho d’a a nga lumzid’a d’uo d’a.