Kolos-sâ 2:5 - Bible azumeina

⁵ Le an tan nga adigagi d’uo pî, an nga ni djib’er kagiya. An le furîd’a ata yima an wagi agi nga kak kä tchugot yam he gagazi magi d’a agi hat yam Christ-sina.

Kolos-sâ 2:5 Referans Kwoze

1 Tasaloni’â 2:17

B’oziyomina, kayam ami walami ki sed’egi burâ tcha bei wei ir tei kur hliuna, wani nga ni kur djib’era d’i, ami nga b’ad’ami tami heî á wagi iragiya,

1 Pierre 5:9

Agi siragi kur he gagazi magid’a, agi tchologi ngingring á d’elem mi, kayam agi wagi ndak ka hina d’a nga d’i le b’oziyogi suma a b’rau woi kur duniyad’a petna mi.

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

Hebre-na 3:14

Kayam ndata, le ei vei tei ad’enga yam hur mei ma tin ma avo’â ngingring gak bur ma dabid’a ni, ei ni Jesus ndroma.

1 Korente-na 14:40

Wani ar agi lagi ahlena pet ata lovod’oziya, nata yazi mi.

Hebre-na 6:19

Tin hur mei máma nga mi vei kä d’igi kawei ma valumba kä na na. Hur mei ma tin ma gagazi mama mi nga tchola ngingring nga mi kal lei bugol baru d’a ka ira kur gong nga kud’ora hAlona d’a akulod’a gak mi nde woi krovo kur yima a tinim iram vama.

1 Tasaloni’â 3:8

Ki tchetchemba, le agi nga kaka ngingring zlapa tu ki Salad’a ni, ami nga karid’a.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

Sawal la giled’a 78:37

Huruzi nga ade’esa ki sed’em mbuo, a nga d’engzeng yam vun mam ma djinda d’uo mi.

Sawal la giled’a 78:8

Kayam azi le d’igi abuyozi ngolo suma yam mba ad’eng suma bei hum vun suma huruzi nga ade’esa d’uo suma a nga d’engzeng avok Alona d’uo na hina d’uo d’a.

2 Sunda Hamuleinid’a 29:35

Kayam ahle suma ngat buzu suma ngala a nga ngola ki mbulâ hahle suma ngat buzu suma zlap darigïd’a zlapa ki süm guguzlu d’a ngala. Ni hina ba, mi hulong tin kud’ora kur gonga hi Ma didinid’a.

Kolos-sâ 2:1

Kayam an min agi wagi ayî ma ngol ma an nga ni durum kagi ki suma avo Lawodise-na ki suma a nga bei wan irana pet,

1 Korente-na 11:34

Le sana meid’a tchumu ni, ar mi teï avo hatamu, kayam Alona mi kagi sariyad’a kagi ata yima agi nga togogi kuana d’i. Fata an mbaza hatagid’a, an mba ni min ahle suma a arâ.

Sunda hi suma a sunuzinid’a 2:42

A ve tazi ad’enga kur hat ta suma a sunuzina a had’azizid’a, a nga le darigïd’a aduk taziya, a nga mbruk avungôna, a nga tchen Alona mi.

Wana ni mbaktum mba a b’irit yam Rut-ta 1:18

Ata yima Naomi ti wala Rut ti so tat á i ki sed’ed’u na, ti ba vunad’u.

Sunda hi suma a sunuzinid’a 20:21

An le glangâsâ mi Juif-fâ kandjaf suma dingâ ala a mbut huruzi yam tchod’a avok Alona, a he gagazid’a mi Salad’a Jesus mi.

Ndumba 7:11

Ma didina mi de mi Moise ala: Ar suma nglo suma avok sumina a mba ki he d’a hawa mazid’a kur burâ gagang á tin ki yima ngal ahle suma ngat buzuna iram vamu.