Kolos-sâ 2:19 - Bible azumeina

¹⁹ kayam mi ve nga Christ ma ala ni yamba na d’i. Ni kayam Christ ba, hliu ta ndata pet nga d’i fe tena, nga d’i djin zlapa tu ata ir ra lara ge pet ata sidei mama, nga d’i wul akulo d’igi Alona mi min na mi.

Kolos-sâ 2:19 Referans Kwoze

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

Kolos-sâ 2:2

kayam huruzi b’lengâ, kayam huruzi tchuk tu á le od’a mi. Hina wani, azi mba we ki ne d’a zul heîd’a, a we zla d’a mudurid’a hAlonid’a, nala, Christ.

1 Tasaloni’â 4:10

Gagazi, agi nga lagi yam b’oziyoi suma Maseduwan-na ki zlazi pet hina mi. Wani b’oziyomina, ami nga gigid’egiya, ar agi lagi hina avogovogo.

1 Tasaloni’â 3:12

Ar Salad’a mi igi avogovok kur o d’a agi nga lat yam tagid’a zlapa ki suma pet, d’igi ami nga lami kagi na mi.

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

Kolos-sâ 1:18

Mam mi yamba hi hliu tad’id’a, nala, Toka hAlonid’a. Mam nad’u tinda hari d’a awilid’id’a, mam mi ma tchol akulo aduk suma matna avok kikidji á kak ma avo’â hahlena petna.

Kolos-sâ 1:10

Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Efes-sâ 5:29

Kayam sana nga mi noî tam mbi, wani mi hum tena, nga mi ngomom d’igi Christ nga mi le ki Toka na mi,

Efes-sâ 4:3

Yam Muzuk mam ma mi hagizina, agi b’ad’agi tagi á kagagi zlapa tu ki b’leng nga halasa aduk tagiya.

Efes-sâ 1:22

Alona mi tok ahlena pet ad’u ad’enga hi Christ-sa, mi tinim á te yam Toka mi.

1 Korente-na 3:6

An ni ma ped’a, Apolos ni ma vo mbina kama, wani Alona ni ma wuluma.

1 Korente-na 1:10

B’oziyona, an nga ni tchenegi ki simiyê Saleina Jesus Christ, ar agi kagagi ki vun ma tuna, ar wala ti kak adigagi d’i, ar agi kagagi zlapa tu ki djib’er ra tud’a ki zla d’a tud’a mi.

Romê-na 11:17

Israel-lâ ni d’igi olif ma pe ma a kam abom ma dingâ woina na. Ang ma ni Juif-fâ d’uo na, ang ni d’igi abo olif ma abagei ma a djagam blangâzina na. Ki tchetchemba, ang nga wulî yam sideina kambira hi olif ma a puma.

Sunda hi suma a sunuzinid’a 4:32

Ablau suma a he gagazid’ina, a tok huruzi tu ki muzugazi tu. Sama adigazi ma dala ihî ni va mama katama nga d’i, wani ahle mazina ni toka tu adigaziya.

Jean 17:21

kayam azi pet a kak tu, d’igi ang Abun nga kuruna, an nga kurung na mi, kayam azi kak zlapa tu ki ei mi. Hina wani, suma duniyad’a a mba he gagazid’a ala ni ang ba sununïya.

1 Korente-na 11:3

Wani an min ala agi wagi ala Christ ni yam andjofâ pet, mandjufâ ni yam amamba, Alona ni yam Christ mi.

Efes-sâ 1:23

Tok ndata ni hliwimu; ni kat ba, Christ mi ndak memet, mi ndak vun ahlena memet mi.

Efes-sâ 2:21

Mam tamba ni ma nga mi sira gong ndata ad’enga á wulut akulo á mbud’ut gong nga Alona mi tinit irat vat á kud’urom yam Salad’id’a.

Wana ni Zla d’a Djivi d’a Luc mi b’irita 5:38

Wani süm ma ayîna a selem mi kur agolongeî suma awilina.