Kolos-sâ 2:14 - Bible azumeina

¹⁴ Mi tchi b’ira hi gat ta vei ki zla d’a ti kak djangûna ki sed’eid’a woyo. Mi tchat tei ni ki b’al mam mba akulo ata agunid’a.

Kolos-sâ 2:14 Referans Kwoze

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Hebre-na 8:13

Ata yima Alona mi dala: Wana ni vun ma djin ma awilina na, mi mbut ma avo’â adjeud’a. Wani vama mbut adjeunid’a mi mbut ni mamara, ar go á dap peyo.

Hebre-na 7:18

Kayam ndata, vun ma he ma avo’â mi mbut vama hawana, kayam ad’engêm nga d’i, djivi mamba nga d’uo mi.

Kolos-sâ 2:20

Le agi bogi woi zlapa tu ki Christ, le mi pad’agi woi ad’u ad’enga hi muzuk ma teteng ma tcho ma te yam suma yam andagad’ina ni, ni kayam me ba, agi dok tid’igi yam vun ma he mazina, d’igi agi ni suma hi duniyad’ina na d’ei ge? Ni kayam me ba, agi gagi yagi kä ad’u gat ta ti dala:

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

Isai 57:14

Ma didina mi dala: Agi gagi lovota, agi gagi lovota, agi minigi lovota, agi pad’agi ahle suma a d’el lovota avok sum manina woi pet.

Sawal la giled’a 51:1

Ni sawal la gile d’a David mi hlat mi hat mi ma ngolâ hi suma hle sawalina.

Ndumba 5:23

Ma ngat buzu máma mi b’ir zla d’a gun ta ndata kä kur mbaktumba, mi nigit kä aduk mbiyo ma aglarâ á mbuzut teyo,

2 Tasaloni’â 2:7

Ki tchetchemba, ad’eng nga mudurid’a hi Ma tchonid’a nga d’i le sunda, wani vama d’elema nga gak bur ma a mba hlum mbeina.

Sawal la giled’a 51:9

Ang mbus tcho manda woi kagu hisopma; an mba ni mbut yed’et, ang mbuzun ndeyo, an mba ni mbut hapa kal gagarad’a.

Ester 3:12

Kur bur ma dogo yam hindina hi til ma avo’îna, a yï suma b’ir mbaktum suma kur leu mambina. A b’ir mbaktumba ni ki vun ma hed’a hi Haman-na mi suma nglona hamulîna ki suma te yam suma kur ambas sa lara ge, mi suma nglo suma kal tegles suma lara ge, kur ambas sa lara ge pet. A b’irit mi nge nge pî ki b’ir mamba ki vun mam ma ded’a. A b’irit ni ki simiyê amulâ Asuwerus, a tum tampong mama kua mi.

Nehemi 4:5

Ang vat hurung ngei kazi d’i, ang has tcho mazid’a woi avorong ngi, kayam azi nga ngulumi ami suma nga minimi gulumunina.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Ester 8:8

Ki tchetchemba, agi b’irigi mbaktumba yam zla d’a djivid’a d’igi hurugi min na yam Juif-fâ ki simiyênu, agi tinigi tampong mana kua mi, kayam mbaktum mba a b’irit ki simiyê amulâ a tum tampong mama kat mi d’a, sa nga mi pleyêt tei d’i.