Kolos-sâ 2:13 - Bible azumeina

¹³ Adjeu agi ni suma bogi woi kur tcho magid’ina, agi nandjaf suma bei wAlona suma bei ngat bayâd’ina. Wani ki tchetchemba, Alona mi mbud’ugi suma arina zlapa tu ki Christ, hurum vat tei yam tcho meid’a mi.

Kolos-sâ 2:13 Referans Kwoze

Efes-sâ 2:1

Adjeu agi ni suma bogi woi yam tchila magid’a, yam tcho magid’ina mi.

Romê-na 8:11

Wani le Muzu’â hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid’a ata hliwigi ma matna ni yam Muzuk mam ma nga kaka kurugina mi.

2 Korente-na 3:6

Ni mam ma mbud’umi suma sunda yam vun ma djin ma awilina, nga ni vun ma djinda hi gatina d’i, wani ni hi Muzuk mamina. Kayam gata ti tchi ni sana woyo, wani Muzu’â hAlonina mi he ni arid’a mi sana.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

2 Korente-na 5:19

Ni yam Christ ba, Alona mi zlap suma pet darigïd’a ki mam tamba, nga mi djib’er yam tchila mazid’a d’i. Kayam ndata, mi hami sun nda zlap suma darigïd’a ki mamba á ded’a.

Efes-sâ 2:11

Kid’a adjeu agi nandjaf suma dingâ tua d’a, Juif-fâ a nga yagi ala agi ni suma bei ngat bayâd’a. Ni bayâ d’a suma a nga ngad’ata. Kayam ndata, ar agi djib’eregi yam kak magi d’a adjeud’a.

Wana ni Zla d’a Djivi d’a Luc mi b’irita 15:32

Wani djivid’a ei lei furîd’a, ei kagei ki furîd’a, kayam wiyeng ma d’igi mit tei na na, mi zlit wa; mi vit teyo, an fum wa da’.

Wana ni Zla d’a Djivi d’a Luc mi b’irita 15:24

Kayam goron ma d’igi mi mit ni woi na na, mi zlit wa; mi vit teyo, an fum wa da’. A nde á le furîd’a.

Sawal la giled’a 71:20

Ni ang ba, mbami ndak ka ngola kami ki hohoud’a, wani ang mba hulong hami arid’a, ang mba hlan ndei kur zul la yiyika mi.

Jacques 2:26

Le sana nga mi muzuk kuo ni, mi ni matna. Hina mi, he gagazi d’a bei sunuta ni matna.

Efes-sâ 5:14

kayam b’od’a nga d’i ndahlena woi pet pid’agï. Kayam ndata, suma hiuna a dala: Ang ma bur senina, ang zlid’a, ang tchol lei aduk suma matna. Hina wani, Christ mba mi b’o woi kangû.

1 Korente-na 15:45

Kayam mbaktumba hAlonid’a ti dala: Adam mi sama avo’â, Alona mi mbud’um sama arina, wani Adam ma danana ni Muzuk ma mi he arid’a mi sumina.

Romê-na 6:13

Ar agi hagi ir hliu tagi mi tchod’a d’igi ahle suma dur ayî suma d’ingêr ruo na na d’i. Wani ar agi hagi tagi mAlona d’igi suma a tchol akulo aduk suma matna suma mbut arid’ina na. Ar agi hagi ir hliu tagi pet mAlona d’igi ahle suma dur ayî suma d’ingêrâ na.

1 Jean 2:12

Grona, an nga ni b’irigi kayam Alona mi vat hurum mbei yam tcho magid’a yam simiyê Christ da’.

1 Korente-na 15:36

Angî lilid’a zu? Vama ang zaram kä na, bei mi mit tei ba ni, mi deî zu?

Jean 5:21

D’igi Abun nga mi tchol suma matna akulo nga mi hazi arid’a na, an Goroma nga ni harid’a mi suma an minizina hina mi.

Wana ni Zla d’a Djivi d’a Luc mi b’irita 9:60

Wani Jesus mi dum ala: Ar suma matna a tos mat mazina, wani ang i tchi wala yam leud’a hAlonid’a.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Sawal la giled’a 119:50

Wana ni b’leng hur man ma kur ndak mandina: Kayam vun mang ma hled’a mi han arid’a.

Hebre-na 6:1

Kayam ndata, ei arei hat ta adjeu d’a yam Christ-sa woi blogeya, ei i avogovok kur hat mamba, ei mbud’i suma ndak memetna mi. Ei dok tini ad’ud’a yei á mbàd’a yam mbut hurâ yam sun nda hawa yaka ki he gagazi d’a yam Alonid’a,

1 Timote 5:6

Wani atcha d’a modono d’a nga d’i tit yam min matid’a, le ti nga karid’a pî, ti ni matna.

Romê-na 4:17

d’igi mbaktumba hAlonid’a ti de na ala: Alona mi dala: An mba ni mbud’ung andjaf suma ablauna abuziya. Mam nabui avok Alo ma mam he gagazid’a kama. Alo máma nga mi he arid’a mi suma matna, nga mi yahle suma a nga d’uo na ala a nga.

Jean 6:63

Ni Muzu’â hAlonina ba, mi he arid’a mi suma; hliuna ndak á le va d’i. Zla d’a de d’a an dagizid’a ni Muzu’â karid’a.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Jacques 2:20

Ang ma lilid’a, ang we nga ala he gagazi d’a bei sunuta ni hawa d’uo zu?

Jacques 2:17

Hina mi, he gagazi d’a bei sunuta ni matna.

1 Timote 6:13

An hang vuna avok Alo ma he arid’a mahlena petna, avok Jesus Christ ma le glangâs ma djivina avok Pôs Pilat-na,

Sawal la giled’a 32:1

Ni sawal la David mi hlata. Sama Alona mi vat hurum mbei yam tchila mamba mi zlubum yam tcho mamba kä mi na, mi le furîd’a.

Kolos-sâ 2:12

Kayam a tozogi zlapa tu ki Christ kur batemba, kurut a tchologi zlapa tu ki mam mi, kayam agi hagi gagazid’a yam ad’eng nga Alona mi tagat tei ata yima mi tcholom akulo aduk suma matnina.