Kolos-sâ 1:28 - Bible azumeina

²⁸ Ni Christ ma ami nga tchum walam mbei mi suma petna. Ami nga gad’ami suma, ami nga had’ami suma pet ki ned’a pet mi, kayam ami tagazi woi avok Alona suma djengâ zlapa tu ki Christ.

Kolos-sâ 1:28 Referans Kwoze

Jeremi 3:15

An mba ni hagi suma pol suma an hurun minizina. Azi mba pologi ki ned’a ki wad’ud’a mi.

Efes-sâ 5:27

Mi le hina kayam Toka ti tchol avorom bei tchod’a ba, bei ndala, bei trobudjoka, bei vama ding ma hina na atat ba, kayam ti ka’î yed’et bei ngula ba.

Matiye 5:48

Kayam ndata, ar agi lagi ahlena memet d’igi Abugi ma sä akulona nga mi lahlena memet na mi.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

1 Korente-na 2:6

Wani an nga ni de zla d’a ned’a ni mi kretiyê suma a djeng kur zlad’a hAlonid’ina. Nga ni ned’a hi suma kur duniya d’a wandina d’i, d’oze kad’enga hi suma a nga te yam duniya d’a wanda suma a mba b’lak keina d’uo mi.

Kolos-sâ 1:22

Wani ki tchetchemba, kayam matna hi Goromina, mi zlabagi darigïd’a ki mamu, kayam agi kagagi suma yed’etna suma bei tchod’a suma bei zlad’a kagi ba na avoromu.

2 Korente-na 11:2

An nga ni le yungôra kagiya; ni yungôr ma tcholï ata Alonina, kayam agi ni d’igi gor wei d’a yed’et ta an kat mi mandjufîd’a na, nala Christ.

2 Korente-na 4:5

Kayam ami nga tchami wala ni yam ami tami d’i, wani ami nga tchami wala ni yam Jesus Christ ala mam mi Salad’a. Ami nga dagi ala ami nazungeî magina yam Jesus mi.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

Sunda hi suma a sunuzinid’a 8:35

Filip mi mal vunam nde mi tchum wal Zla d’a Djivid’a hi Jesus-d’a kur mbaktum ndata.

Hebre-na 10:14

kayam buzu ma ngat ma tu máma mi mbut suma mi mbuzuzi woi yed’et kur tcho mazid’ina memet gak didin.

1 Timote 3:2

Mbeî sama gol Toka ni ma bei zlad’a kama, ni mandjuf ma katchad’a tuna, ni sama iram si’â, ni sama ve tama, ni sama ned’a, ni sama lakoina, ni sama ndak á hat sumina.

Kolos-sâ 2:10

Agi ndagagi wa memet ni yam mamu. Mam mi ma kal yam muzuk ma teteng ma te yamba ki muzuk ma teteng ma ad’engîna.

1 Korente-na 12:8

Muzu’â hAlonina nga mi he sana tu á de zlad’a ki ned’a. Ni Muzuk ma tu máma ba, nga mi he mi sama dingâ á de zlad’a ki wad’ud’a mi.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

2 Korente-na 10:14

Kayam ndata, ata yima ami mbamiza hatagi á tchagi wal Zla d’a Djivid’a hi Christ-sa avo’â, ami kalami nga yam yima Alona mi ngamizi á le sundina d’i.

1 Korente-na 15:12

Le ami tchagi wala yam Christ ala mi tchol akulo aduk suma matna ni, ni kayam me ba, suma dingâ adigagi a nga dala suma matna a mba tchol akulo d’uo ge?

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

1 Korente-na 2:15

Sama nga ki Muzu’â hAlonina, mi ndak á walazi irazi pet, wani sana mi ndak á vum mam tamba ki zlad’a d’i.

1 Korente-na 1:23

Wani amiya, ami tchami ni wala Christ ma a b’alam akulo ata agunina. Ir Juif-fâ zla ndata ni vama dap asema, ir andjaf suma dingâ ni vama lilid’a mi.

Romê-na 16:25

Ar ei suburi Alona! Mi ndak á siragi kur he gagazi magid’a yam Zla d’a Djivid’a hi Jesus Christ sa an nga ni tchat walata. Ni Ma mi nde zla d’a muduri d’a mi ngeyet kur atchogoi d’a kal dedeid’a woina.

Sunda hi suma a sunuzinid’a 17:3

Nga mi vazi ad’ud’a ala mbeî Mesi mba mi fe ndaka, mba mi tchol akulo aduk suma matna. Mi dazi ala: Jesus ma an nga ni dagizi zlama ni Mesi máma.

Sunda hi suma a sunuzinid’a 10:36

Agi wagi zla d’a Alona mi sunut mi Israel-lâ d’a. Mi sunuzi Zla d’a Djivi d’a b’leng nga halas sa tcholï ata Jesus Christ-sa. Mam mi ma Sala suma pet.

Sunda hi suma a sunuzinid’a 9:20

Ata yi máma na wat, mi nde tchi wala kur gongîyo suma toka hi Juif-fîna, nga mi dala: Jesus nAlona Goroma.

Sunda hi suma a sunuzinid’a 8:5

Filip mi i kur azì ma ngol ma ding ma Samari-na, nga mi tchazi wala yam Mesi.

Sunda hi suma a sunuzinid’a 5:42

Bur ma lara pî, azi nga kur gong nga kud’ora hAlonid’a d’oze kur azina hi sumina, a ar nga bei hat suma d’oze bei tchi wal Zla d’a Djivid’a hi Jesus Christ-sa d’uo mi.

Sunda hi suma a sunuzinid’a 3:20

Hina wani, Salad’a mba mi mba katchogoi d’a halasa kagiya, mba mi sunugï Mesi ma mam manam avok dei kagina, nala, Jesus.

Marik 6:34

Kid’a Jesus mi nde woi kur alumbid’a, mi wablau suma ngola. Hurum hat kaziya, kayam azi ni d’igi tumiyô suma bei salazi ma pola ba na na. Mi nde mi had’azi ahlena ngola.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Jeremi 6:10

Jeremi mi dala: An de zlad’a ni mi nge ge? An le glangâsâ ni mi nge ba, mba mi humun nge? Gola! A duk humazi woyo, a ndak á hum mbi. Zlad’a hi ang Ma didinid’a ti mbut ni vama ngula ataziya, tazi nga d’i lazi djivi kat tuo mi.

Ma tchi wala 12:9

bei andaga d’a gugud’upa ti hulong kä ata yat ma adjeuna, bei muzu’â mi hulong gen Alo ma mi humîna mi.

Zla d’a d’ogolâ 8:5

Agi suma bei wäd’u zlad’a ba na, agi had’agi ned’a, agi suma lilid’a, agi had’agi wad’ud’a.

Gat ta a hat á mbàd’id’a 4:5

Agi wagiya, an had’agi gata ki vun ma hed’a d’igi Ma didina Alo mana mi han vuna na kayambala fata agi kalagi kur ambas sa agi mba hlat á kagagi kura, agi tid’igi kaziya d’a.

2 Pierre 3:15

Agi djib’eregi ala ve tad’a hi Saleinid’a ni sut magid’a d’igi wiyei ma od’a Paul mi b’irigizi kur ne d’a Alona mi humzid’a na.

Hebre-na 13:21

Ar Alona mi mbud’ugi suma ndak memetna yam sun nda djivi d’a lara ge pet á le min mamba. Ni ma nga mi le sun nda djivid’a kuri yam Jesus Christ á lum tam djivid’ina. Ni Jesus Christ ma ei suburum gak didina. Amin!

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

1 Tasaloni’â 4:6

ar sa mi tchila yam gata á le ir wiyem ma kur Christ-sâ kur ahle ndazina d’i. Ami dagi woi mbak, ami gagi humagi mi, suma a le tcho d’a hina d’ina, Salad’a mba mi kazi sariyad’a kaziya.

1 Korente-na 4:14

An nga ni b’irigi ahle ndazina ná mbud’ugi zulona d’i, wani ná had’agi d’igi gron suma an hurun vazi heîna na.

Sunda hi suma a sunuzinid’a 13:38

Kayam ndata, b’oziyona, ar agi wagi zla ndata: Ni kayam Jesus ba, a nga tchagi wala ala agi mbud’ugi hurugi yam tcho magid’a tua ba, Alona mba mi vat hurum mbei kagiya.

Sunda hi suma a sunuzinid’a 11:20

Wani suma dingâ adigazi ni suma Sipre-na ki suma Siren-na. Sum ndazina a i Antiyos, a tchi wal Zla d’a Djivid’a hi Salad’a Jesus-d’a mandjaf suma dingâ mi.

Ezekiyel 7:10

Gola! Burâ mi mba wa! Gola! Nga mi djïya! B’laka ti mba wa, ndaka ti wet wa abot teyo, subur tad’a ti nde wa tat tei abua.

Sunda hi suma a sunuzinid’a 17:18

Suma hiu suma a nga hat suma yam ned’a hi suma Epikuri-na ki d’a hi suma Estoisi-nid’a a nde tchi tuguyod’a ki sed’emu. Suma dingâ a nga dala: Ma tchit máma mi min de nana ge? Suma dingâ a nga dala: Mam mi d’igi sama tchi wal zlad’a halo ma teteng ma dingîd’a na, kayam mi nga mi tchi wala yam Jesus ki tchol mam mba akulo aduk suma matnid’a.

Esdras 7:25

Ang Esdras, ata ned’a Alona mi hangzid’a, ang tin suma ka sariyad’a ki suma nglona á ka sariyad’a hi suma pet suma sä abo alum ma Efrat-na woi hina ki suma a we gata hAlo mangîd’ina, ang tagat mi suma a wat nga d’uo na mi.

Kolos-sâ 2:3

Ne d’a tetenga ki wad’ud’a hAlonid’a pet a nga ngeid’a kur Christ.

Kolos-sâ 4:12

Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.