Kolos-sâ 1:11 - Bible azumeina

¹¹ Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

Kolos-sâ 1:11 Referans Kwoze

Efes-sâ 3:16

An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.

Filip-ma 4:13

An ndak á lahlena pet yam ad’eng nga Christ mi handjid’a.

Efes-sâ 4:2

ki lulumad’a ki kukud’uka zlapa ki ve tad’a burâ ki burâ. Agi vagi tagi ad’enga á le od’a yam tagiya.

Efes-sâ 6:10

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.

2 Korente-na 4:7

Wani ami ni d’igi dei ma lubu ma nga mi zi ndjondjoîd’a hAlona d’a wanda kuana, á tak kei tetet ala ad’eng nga kal papa ndata ti tcholï nata Alona, nga nata ami d’i.

Sunda hi suma a sunuzinid’a 5:41

Hina, suma a sunuzina a buzuk kei ata yima b’ak zlad’a, a nga le furîd’a kayam azi ndak á fe djop vuna yam simiyê Jesus.

Vama ndum mbeina 14:12

Wana ni ve tad’a hi suma hAlona suma a ge yazi kä ad’u vun ma he mama suma d’engzeng yam Jesus-na.

2 Pierre 1:6

agi d’elegi tagi yam d’od’ok ka tchod’a, agi vagi tagi á tit balum asem Alona bei tad’a tchuk lus ba,

Buzuk ka Abud’a 15:6

Ma didina, abong ma ndjufâ mi tak ad’eng manga woyo. Ma didina, abong ma ndjufâ mi hahl mang suma djangûna woyo.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Sunda hi suma a sunuzinid’a 1:8

Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

Isai 45:24

A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.

Zla d’a d’ogolâ 24:10

Le tang tchuk lus kur bur ma ndaka ni, ad’engêng nga d’uo d’a!

Sawal la giled’a 63:2

Alona, angî Alo mana, an nga ni halangû, zlang nga d’i lanu, an nga ni hat hurun kang d’igi andaga d’a so d’a mbiyona nga mi ndagat tuo d’a na.

Jude 1:25

Mam tu nAlo ma sud’i yam Saleina Jesus Christ-sâ. Subura ki ngola kad’enga ki yam mba ted’a katchogoi d’a kala pet ki d’a tchetchemba ni mamba gak didin. Amin!

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.