Josue 7:6 - Bible azumeina

⁶ Josue ki suma nglo suma Israel-lâ, a haû baru ma atazina woyo, a tchuk andagad’a kaziya, a grif kä andaga ki irazi avok zandu’â hi Ma didinina, a ar bur kä ata yi máma gak fladege.

Josue 7:6 Referans Kwoze

Ad’u Tinda 37:29

Ruben mi hulong mba avun golonga, mi fe nga Josef fi, mi haû baru mamba woyo,

Ad’u Tinda 37:34

Jakob mi haû baru ma atama woyo, mi djin ziyona furumu, mi tchi goroma burâ ngola.

Hor ma tchina 2:10

Suma nglo suma Jerusalem-ma a kak nga kä aduk andagad’a ki vunazi ma du’â, a nga ko andagad’a kaziya, a tchuk baru ma ndjondjorona ataziya. Yugunei suma Jerusalem-ma a tchok yazi kä andaga mi.

2 Samuel 13:31

Amulâ mi tchola, mi haû baru mama woi atamu, mi ge tam kä andaga. Azungeî mama pet a haû baru mazina woi atazi mi.

Ndumba 14:6

Josue Nun goroma ki Kalep Jefune goroma suma aduk suma a i d’uï ambasina, a haû baru mazina woyo,

Vama ndum mbeina 18:19

Azi nga tchuk butna kaziya, a nga tchiya, a nga yor taziya, a er ad’uzi akulo ala: Ni zla d’a hohoud’a, ni zla d’a hohoud’a kang ang azì ma ngolâ. Ni ki ndjondjoî manga ba, suma djang batod’a kur alum ma ngolîna pet a mbut suma ndjondjoîna. Ni kur ler ra tud’a go ba, a b’lagam mbei pet.

Sunda hi suma a sunuzinid’a 14:14

Wani ata yima suma a sunuzina Barnabas azi ki Paul a hum hina na, a haû baru mazina woyo, a ring a kal aduk ablau suma,

Wana ni mbaktumba hi Job-pa 2:12

Kid’a a golomî woi hina dei d’a, a vid’imu, a nde tchina ki delezi akulo, a haû baru mazi d’a nglod’a woi ataziya, a tchuk andagad’a akulo kaziya.

Wana ni mbaktumba hi Job-pa 1:20

Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä,

Ester 4:1

Ata yima Mardose mi hum zla ndatina, mi haû baru ma atama woyo, mi tchuk baru d’a dodora atamu, mi ko butna kamu, mi i hur azì ma ngolâ, nga mi tchi tchi ma hat hurâ ki delem akulo.

2 Samuel 12:16

David mi tchen Alona yam gor máma, mi d’el tam bei te tena. Ata yima mi kal klavina, mi burî kä andaga.

2 Samuel 1:12

A tin Saul tchina, a tchimu, a d’el tazi bei te tena gak fladege yam Saul azi ki goroma Jonatan, yam suma hi Ma didina suma avo Israel suma a tchazi avun ayînina mi.

1 Samuel 4:12

Kur bur máma sama ad’u andjafâ hi Benjamin ma sud’î avun ayînina, mi ringî gak mi mba avo Silo ki barud’a haûd’a woi atamu, ki butna kam mi.

Suma ka sariyad’a 21:2

Ablau suma hi Israel-lîna a mba Betel, a kak kua avok Alona gak fladege, a nga tchi ki delezi akulo ki simina irazi ngola mi.

Suma ka sariyad’a 20:26

Israel-lâ pet kablau suma pet a mba Betel, a kak kua avok Ma didina, a d’el tazi bei te tena gak fladege, a hum he d’a hawa d’a ngala ki he d’a hawa d’a ngat buzu d’a zlap darigïd’a mi.

Suma ka sariyad’a 20:23

Israel-lâ a i tchi avok Ma didina gak fladege, a djobom ala: Na ni ami i durumi b’oziyomi suma hi Benjamin-na kua zu? Ma didina mi hulong mi dazi ala: Agi i durugiziya!

Ndumba 16:45

Agi walagi tagi sä woi dei kablau ndata, an nga ni ngalazi woi ka tchetchem. Moise azi ki Aron a grif kä andaga.

Ndumba 16:22

Moise azi ki Aron a grif kä andaga ki iraziya, a dala: Alo mamina, angî ma he arid’a mi suma petna, sama tuna mi le tchod’a ni mamu; ang hurung zal yam ablaud’a hina pet tchu?

Josue 7:7

Josue mi dala: A! Salad’a Alo mamina! Ni kayam me ba, ang djagami alum ma Jurdê-na woi á hami abo suma Amor-râ á tchami woi ge? Ladjï ami kagamiza abo alum ma Jurdê-na sä hî ni, hotei d’uo zu?

2 Samuel 1:11

David mi haû baru mam ma atama woyo. Suma ki sed’ema pet a haû baru ma atazina woi mi.

2 Amuleina 22:11

Ata yima Josiyas mi hum zla d’a kur Mbaktum mba Gatid’a, mi haû baru mama woi atamu.

2 Sunda Hamuleinid’a 34:19

Ata yima amulâ mi hum zlad’a hi gatid’ina, mi haû baru mama woi atamu.

Wana ni mbaktumba hi Job-pa 42:6

Ni kayam ndata ba, an ve tan ki zlad’a, an mbut hurunu; ni kak kä aduk andaga d’a gugud’upa, aduk butna mi.

Suma ka sariyad’a 11:35

Ata yima mi watna, mi haû baru ma atama woyo, mi dala: Alë! Goronda! Ndak mban wa ndak ka ngola kanu, nda’î aduk suma a nga b’lagan djib’er mandina! An hle vunan mi Ma didina da’, an ndak á hulong bugol li!

2 Samuel 1:2

Kur bur ma hindina, sana mi tcholï kur kangâ hi Saul-lâ ki barud’a haûd’a atamu, kandagad’a kod’a kam mi, mi mba go ki David, mi tchok yam kä, mi grif kä andaga.

2 Samuel 13:19

Tamar ti ko butna kad’u, ti haû barud’a woi atad’u, ti tchuk abot kat nga d’i i ki tchina.

Esdras 10:1

Esdras mi grif kä avun gong nga kud’ora hAlonid’a, nga mi tchiya, nga mi tchena, nga mi däd’u tcho mazid’a woyo. Ata yi máma Israel-lâ ablaud’a, nala, andjofâ, aropma ki kemba, a tok gevemu, a tchi ki simina irazi dundulung.

Nehemi 9:1

Kur bur ma dok mbà yam fid’ina hi til mámina, Israel-lâ a tok taziya, a d’el tazi bei te tena, a tchuk baru d’a ndjondjorod’a ataziya, a tchuk andagad’a kazi mi.

Ester 4:3

Kur ambas sa lara d’a vun ma hed’a hamulîna ki gat mamba a i kuad’a, Juif-fâ a nga tchi tchi ma hohoud’a kur aziyaziya, a nga d’el tazi bei te te ma luna, a nga tchiya, a nga yor taziya; ablaud’a adigazi a tchuk baru d’a dodora ataziya, a nga bur kä aduk butna mi.