Josue 7:21 - Bible azumeina

²¹ An gol aduk ahle suma ei hurumuzina, an we baru d’a ngol la djif fa Sinar-ra ki kawei ma hapma kikis mbà ki mbuka hi lor-ra d’a aneget ndak ir grama go ki kikis sa klavandid’a. An le d’od’oka kaziya, an yoziya, a nga ngeid’a kä aduk andagad’a kur zlub’u manda; kawei ma hapma mi nga tchuka kä ad’uziya.

Josue 7:21 Referans Kwoze

Jacques 1:15

Ata yima d’od’ok ka tchod’a ti ve wirîna, ti vut ni tchod’a. Le tchod’a ti djeng wa ni, ti vut ni matna.

Wana ni Zla d’a Djivi d’a Luc mi b’irita 12:15

Mi dazi kua ala: Agi gologi tagi djiviya, ar agi lagi yam beged’a d’i, kayam ari d’a gagazid’a hi sanid’a nga ni yam ahle mam suma djivina d’oze yam ndjondjoîd’a d’i.

Sawal la giled’a 119:37

Ang mbud’un iran ndei yam ahle suma hawa ya’â, ar an tit ni kur lovot ta lang tang djivid’id’a.

2 Pierre 2:15

Azi ar lovot ta d’ingêra woyo, a vit tei á tit bugol Baläm Beyor gorom ma hurum min beged’a yam sun mam mba tchod’ina.

Gat ta a hat á mbàd’id’a 7:25

Agi ngalagi filei mazi ma a tched’em d’igi alona na na woyo, agi lagi d’od’oka yam kawei ma hapma ki lor ra a gulud’uzi ki d’a tala agi yozi yo ba á mbut dau ma vigigina d’a d’i. Kayam ahle ndazina nahle suma ndjendjed’a ir Ma didina Alo magina.

Hebre-na 13:5

Ar d’od’oka hi beged’id’a kal kagi d’i. Ar agi kagagi tchugot ki vama nga abogina, kayam Alona mi dala: An mba ni arang vang ngi, an mba ni arang ngei d’uo mi.

Zla d’a d’ogolâ 28:22

Sama d’od’oka nga mi b’at tam atogotogo á mbut tam ndjondjoîd’a, wani mi we nga d’ala mam mba mi nde ni kur houd’a d’a d’i.

2 Samuel 11:2

Ki fladeged’a David mi tchol akulo ata yam ma burâ, nga mi ngui tita akulo yam gong nga amula, mi watchad’a tu nga d’i mbuza; ti djif heî.

Ad’u Tinda 6:2

Alona groma a we gro arop ndazina a djif irazi heî, a man suma a nde irazina, a vigiziya.

Ad’u Tinda 3:6

Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.

Efes-sâ 5:5

Agi wagi woi tetet ala sama mizeuna, sama le sun nda ndjendjed’a, sama le d’od’oka yam beged’ina, nala ma tuwal fileina, suma hina na a mba te leud’a hi Christ-sa kAlona d’i.

Efes-sâ 5:3

Wani agi ni suma a tinigi iragi vagina. Kayam ndata, ar mizeuna ki sun nda ndjendjed’a ki a’arad’a, ar agi yazi simiyêzi adigagi d’i.

Wana ni Zla d’a Djivi d’a Luc mi b’irita 12:2

Wani vama nga ngeid’a kä ma a mba ba bei ndum mbei pid’a’â nga d’i, vama gumun kä ma a mba ba bei ndum mbei pid’a’â nga d’uo mi.

Habakuk 2:9

Ni zla d’a hohoud’a yam sama nga mi tok bege d’a mbut ira á mbut tam ad’engina, á sut tam mbei kur bur ma ndaka mba kama.

Isai 29:15

Ni zla d’a hohoud’a yam suma a nga ngei nga hur mazina kä avok Ma didina suma a nga le sunda kur nduvunda suma a nga dala: Ni nge mi golei mi wei ge na.

Isai 28:15

Agi nga dagi ala: Ami djinimi vunami ki matna, ami vami banad’a ki yima azuleina. Fata tugud’ei d’a tcho d’a tchi matna ti ndja abot tei ti kala, mba d’i fami d’i. Kayam ami mbud’umi zla d’a kad’a ni yi mami ma ngei tad’a, aboi ma kad’a ni yi mami ma kaka mi.

Zla d’a d’ogolâ 23:31

Ar ang gol süm guguzlud’a kayambala mi djivid’a hleud’a d’oze nga mi wile kur kopma d’oze anguvum nga d’i djang kä woi titrizigu d’a d’i.

Zla d’a d’ogolâ 4:23

Ang ngom djib’er ra kurung krovod’a kal ahle suma dingâ pet, kayam ni yima arid’a tcholï kuana.

Wana ni mbaktumba hi Job-pa 31:1

Job mi de kua ala: An hle vunan ki gun tad’a ala: An dok ni le d’od’oka yam gor wei d’uo d’a.

Buzuk ka Abud’a 20:17

Ar ang le d’od’oka yam vama lara pî ma hi ndrangîna d’i, nala, gong mamba, d’oze amamba, d’oze azong mama, d’oze wei mamba, d’oze amuhl mama, d’oze koro mama.

Ad’u Tinda 10:10

Azì ma ngol ma kur leu mambina ni Babel, Erek, Akat ki Kalne; azi pet ni kur ambas sa Sinar-ra.

Josue 7:20

Akan mi hulong de mi Josue ala: Gagazi, an le tchod’a avok Ma didina Alona hi Israel-lîna. Ang gol vama an luma ba wana:

Josue 7:22

Josue mi sun suma; a ring hur zlub’ud’a hi Akan-nda, a i feï ahle ndazina ngeid’a kä kur zlub’u mamba; kawei ma hapma mi nga tchuka kä ad’uzi mi.

2 Amuleina 7:8

Suma libi suma fid’i ndazina a mbaza avun kangâ, a kal kur zlub’ud’a tu, a fe tena, a te a tche mi, a yo kawei ma hapma ki lora ki baruna, a i ngeyezi sä woyo, a kal kur zlub’u d’a dinga, a yo andjaf ahlena teteng, a i ngeyezi sä woi mi.

Ad’u Tinda 34:27

Jakob groma a tchuk avo hi suma azi tchazina, a hurum ahle suma avo hur azinina pet, kayam azi b’lak wiyezid’a.

Zla d’a d’ogolâ 1:19

Wana ni lovota hi sama nga ki d’od’oka ngola á fe bege d’a ata yat tuo d’ina. D’od’ok mamba mba d’i bamî mam tamba woyo.