Josue 7:2 - Bible azumeina

² Navo Jeriko ba, Josue mi sun suma Aï d’a nga go ki Betel-Aven-nda abo ma yorogona hi Betel-la. Mi dazi ala: Agi i d’ugi ambasa. Sum ndazina a i a d’u Aï,

Josue 7:2 Referans Kwoze

Josue 18:12

Haga mazid’a abo ma norîd’a, ti hleï avun alum ma Jurdê-na, ti kal Jeriko abo ma norâ, ti djak akulo yam ahinad’a abo ma fladegena, ti i ndeza woi hur ful ma Bet-Aven-na.

Wana ni mbaktumba hi Oze-d’a 4:15

Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

1 Samuel 14:23

Kur bur máma Ma didina mi had’enga mi Israel-lâ á kus ayîna; ayî máma mi i gak mi kal lei yam Bet-Aven.

1 Samuel 13:5

Suma Filistê-na a tok tazi á dur ayîna ki Israel-lâ. Pus mazi ma hakulumeina ni 30.000; sum mazi suma djang akulumeina ni 6000; azigarâ ablawazi ni d’igi les ma avun alum ma ngolîna na. Azi mba a lak Mikmas abo ma yorogona hi Bet-Aven-na.

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

Zla d’a d’ogolâ 24:6

Nata d’al ma ded’a ba, ang mba dur kayîna; nata d’al ma de ma ablauna ba, ang mba kus kayîna mi.

Zla d’a d’ogolâ 20:18

Nga hurâ mi ndak memet nata d’al ma ded’a. Nata d’al ma ded’a ba, ang dur ayî ma djivina ata lovod’om mi.

Ad’u Tinda 12:8

Bugola, mi tcholï kolâ, mi mba yam ahuniyô suma Betel-lâ abo ma yorogona, mi ve zlub’u mamba ata yi máma aduk Betel ki Aï, Betel abo ma fladegena, Aï abo ma yorogona mi, mi min yima ngal ahle suma ngat buzuna mi Ma didina, mi tchen ki simiyêm mi.

Efes-sâ 5:15

Kayam ndata, agi gologi tagi djivi yam tit magid’a. Ar agi tid’igi d’igi suma bei ned’a na d’i, wani d’igi suma ned’a na.

Nehemi 11:31

Andjafâ hi Benjamin ma arâ mi nga kaka Geba, Mikmas, Aya ki Betel kazì ma nguyuzina,

Josue 12:9

Amulei suma a kus kazina ba wana: Amul ma Jeriko-na, amul ma Aï ma go ki Betel-lâ,

Josue 2:1

Kid’a azi nga Sitim-mba, Josue Nun goroma mi sun suma d’u yina ngumun mbà, mi dazi ala: Agi i d’ugi ambasa kazì ma Jeriko-na. Azi iya, a mbaza, a kal avo hatcha d’a gaulangâ a yat ala Rahap, a bur kua.

Ad’u Tinda 28:19

Mi yi yi máma ala Betel. Adjeu a yi yi máma ala Lus.

Josue 7:3

a hulongîya, a mba de mi Josue ala: Ar azigarâ a i pet ti. Ar suma 2000 d’oze 3000 a i á dur Aï; ar a kau suma pet ti, kayam suma djangûna a nga ngol li.

1 Samuel 30:27

Mi sun mi suma Betel-lâ, mi suma Ramot suma abo ma sutna, mi suma Jatir-râ,

Jeremi 49:3

Agi suma Hesbon-na, agi tchagi wulula, kayam a b’lak wa azì ma Aï-na woi da’. Agi yugunei suma Raba-na, agi tchigiya, agi djinigi baru ma ndjondjorona furugi d’igi d’i’â na. Agi tchigi horâ, agi ringîgi kur gulumuna abo hî, abo hî, kayam Milkom, a im wa magomba ki mam suma ngat buzuna ki mam suma nglona mi.

1 Amuleina 12:29

Jerobowam mi tin ma hina avo Betel, mi tin ma hina avo Dan mi.

Isai 10:28

Suma djangûna a mba avo Ajat, a kal Migron, a ar ahle mazina Mikmas.