Josue 7:11 - Bible azumeina

¹¹ Israel-lâ a le tchod’a, a but vun ma djin ma an hazi vuna kama woyo, a yo ahle suma an d’elezi kazi ala azi yozi d’uo na, a kuluziya, a ngeyezi nga aduk ahle mazina.

Josue 7:11 Referans Kwoze

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

Sunda hi suma a sunuzinid’a 5:9

Wani Pierre mi dat ala: Ni kayam me ba, agi ndjagagi vunagi á kuk Muzu’â hi Salad’ina ge? Gola! Wana nasem suma a i tos ndjuvu’â, a nga abu vun gonga, a mba hlak ini ndak mi.

Matiye 22:21

A hulong dum ala: Ni hi Sesar-ra. Mi dazi ala: Agi hagi ahle sumala ni hi Sesar-ru na mi Sesar, agi hagi ahle sumala ni hAlona na mAlona mi.

Zakari 5:4

Ma didin ma ad’engêm kal petna mi dala: An mba ni sunï vun ma ge máma, mba mi kal avo hi ma kul ma lara d’oze avo hi sama lara ma nga mi gun tam ir gurzula ki simiyêna, mba mi kak avo hatam mba mi ngalam ahligiyem mbei kagu ma murgulina kahinad’a woi pet.

Habakuk 2:6

Sum ndazina a mba mbud’umî vama lasa ki vama ndala mi d’uo zu? Azi mba dala: Ni zla d’a hohoud’a yam sama tok ahlena hi ndromina, ni zla d’a hohoud’a yam sama nga mi tok godjined’a kama; mba mi le hina ni gak mindja ge?

Wana ni mbaktumba hi Oze-d’a 6:7

Agi bud’ugi vun ma djinda kä woi d’igi Adam na. Ni kua ba, agi mbud’um iranu.

Jeremi 31:32

Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzï woi kur ambas sa Ezipte-nid’ina na d’i. Vun ma djin máma, an ni salazina pî, azi bud’um mbeyo. An Ma didina ni de na.

Isai 24:5

Andagad’a ti mbut ndjendjed’a abo suma a nga kaka katna, kayam azi tchila yam gata, a miret vun ma hed’a kä kaseziya, a but vun ma djin ma didin ma a djinim kAlonina woi mi.

2 Amuleina 18:12

Ahle ndazina pet a le ki Israel-lâ hina kayam a hum nga vun Ma didina Alo mazina d’i, a ngom nga vun mam ma djinda d’i, a hum nga vun ma he ma Moise azongâ hi Ma didinina mi dazizina d’i, a tit nga kam mbuo mi.

Suma ka sariyad’a 2:20

Ata yi máma Ma didina hurum zal ata Israel-lâ ngola, mi dala: Kayamba andjaf sum ndazina a but vun ma djin ma an djinim kabuyozi ngolona woyo, a ge nga yazi kä ad’u zla manda d’uo d’a,

Josue 23:16

Le agi bud’ugi vun ma djin ma Ma didina Alo magina mi djinim ki sed’egina woi á i grivigi kä avok alo ma dingâ á kud’uromu ni, Ma didina hurum mba mi zal kagi ngola, mba mi dabagi woi kur ambas sa djivi d’a mam hagizid’a woi atogo zak mi.

Josue 7:1

Israel-lâ a le tchod’a ngola kahle suma a d’el kazi ala a yozi d’uo na. Sana tu ad’u andjafâ hi Juda-na a yum ala Akan mam mi Karmi ma Zapdi goromina goroma, abum ngolo ni Zera, mi yo ahle suma Ma didina mi d’el kazina. Ni kayam ndata ba, Ma didina hurum zal ngola yam Israel-lâ.

Gat ta a hat á mbàd’id’a 17:2

Dam kur azì ma ngol ma Ma didina Alo magina mba mi hagizina, atchad’a d’oze mandjufâ mba mi le vama tchona avok Ma didina Alo magina á but vun mam ma djin ma mi djinim ki sed’egina woi

Sunda hi suma hi Levi-nid’a 5:15

Le sana mi le tchod’a bei wat ad’ut ba, mi hahle suma a tinizi irazi vazi mi an Ma didinina d’uo ni, mi mba ki gamlâ ma bei daka ma aduk d’uwar mamina mi an Ma didina, mi hum yam tchila mamba; ni gamlâ ma guzum ndak ir aneka hi bege d’a a ngat á hed’a yam zlub’u d’a kud’orid’a.

Josue 7:10

Ma didina mi de mi Josue ala: Ni kayam me ba, ang ge tang kä andaga ge? Ang tchol akulo!

1 Samuel 14:38

Saul mi yi suma nglo suma avok sumina pet gevemu, mi dazi ala: Agi halagi ad’ud’a djiviya, wagi ad’u tcho d’a a lat ini ndata.

2 Amuleina 5:24

Azi mbaza ata yima a yum ala Ofel-lâ, mi ve bud’omei suma abozina, mi tchuguzi avo hatamu, mi ar azungeîna hi Näman-na a iya.