Josue 6:18 - Bible azumeina

¹⁸ Wani agi gologi tagi djiviya, agi dogi abogi ata ahle suma Ma didina mi hagi vuna kazi á b’lagazi woina do ba, agi mbagi ki ndaka ki b’laka yam kangâ hi Israel-lîna d’i.

Josue 6:18 Referans Kwoze

1 Jean 5:21

Grona, gologi tagi djivi ki fileina.

Efes-sâ 5:11

Agi lagi darigïd’a ki suma a nga le sun nda hawa yak ka kur nduvundina d’i, wani vama kalâ, agi ngobozi ni ngoba,

Josue 7:1

Israel-lâ a le tchod’a ngola kahle suma a d’el kazi ala a yozi d’uo na. Sana tu ad’u andjafâ hi Juda-na a yum ala Akan mam mi Karmi ma Zapdi goromina goroma, abum ngolo ni Zera, mi yo ahle suma Ma didina mi d’el kazina. Ni kayam ndata ba, Ma didina hurum zal ngola yam Israel-lâ.

Josue 7:25

Josue mi de mi Akan ala: Ni ang ba, mba ki ndaka kamiya. Ki tchetchemba, Ma didina nga mi mba ki ndaka kang mi. Ata yi máma Israel-lâ a durum kahinad’a, a tchumu, a dur sum mama kahinad’a mi. Azi ngalam ahle mama woi pet mi.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Jonas 1:12

Mi hulong dazi ala: Agi hlan gan ndei alumu, aluma mba mi tchola. An wala ni yam an ba, simet ma ngolâ mi tchol ki sed’egi wana.

Ma tchi wala 9:18

Ned’a ti kal ahle suma sï suma dur ayîna. Wani sama le tcho ma tuna, nga mi b’lak ahle suma djivina woi ablaud’a.

2 Samuel 21:1

Kur atchogoid’a hi David-ta, baktara ti nde, ti le bizad’a hindi. Wani David mi tchen Ma didina. Ma didina mi hulong dum ala: Ni yam Saul ki mam suma a tchi suma woina, kayam mi tchi suma Gabawon-na woyo.

Gat ta a hat á mbàd’id’a 7:26

Ar agi kalagi vama ndjendjed’a avo hatagi tala agi mbud’ugi ndak b’laka d’igi va máma na d’a d’i. Ar agi b’lagam mbeyo, agi golomî vama ndjendjed’a, kayam nahle suma a he vuna kazi á b’lagazi woina.

Josue 7:15

Sama an Ma didina mba ni gum ad’um mbei ni fahle suma an Ma didina ni d’el kazina avo hatama, a mba ngalam mbei kakud’a kahle mama pet, kayam mi but vun ma djinda hi an Ma didinina woyo, mi le ni tchod’a aduk Israel-lâ mi.

Gat ta a hat á mbàd’id’a 13:17

Ar agi hlagi ahle suma agi b’lagazi woina abogi d’i, kayambala Ma didina hurum vat tei kur ayî mam ma bibiliuna d’a. Le agi gagi yagi kä ad’u zlad’a hi Ma didina Alo maginid’a, le agi ngomogi vun ma he mama pet ma an hagizi inina, le agi lagi sun nda d’ingêra avok Ma didina Alo magina ni, mam mba mi wagi hohowogiya, mba mi zulugi ablaud’a d’igi mam hle vunam mabuyogi ngolo na mi.

Josue 7:13

Ang tchola akulo, ang mbut suma yed’et, ang dazi ala: Ndjivin agi mbud’ugi tagi yed’et, kayam Ma didina Alona hi Israel-lâ mi dala: Ahle suma an d’el kazi ala agi yozi d’uo na, a nga adigagiya. Le agi yogi nga ahle ndazina woi adigagi d’uo ni, agi ndak á tchologi avok magi suma djangûna d’i.

Gat ta a hat á mbàd’id’a 23:10

Le sa tu adigagi mi b’lak tam ki vama mi mba kam andjegena ni, mi nde woi kur kangâ mi kal kur ri

1 Samuel 15:9

Wani Saul ki azigar mama a ar Agak bei tchid’a kahlena pet suma djivina aduk d’uwarâ, nala, amuzleina, tumiyôna kahok suma gangrangâ, gro tumiyôna kahlena pet suma djivina; azi b’la’î ahle suma tcho suma zlazi nga d’uo na woi hol.