Josue 5:2 - Bible azumeina

² Ata yi máma Ma didina mi de mi Josue ala: Ang tchet ahinad’a mbigeud’a, ang ngat andjaf Israel suma a vut danana bayâd’a.

Josue 5:2 Referans Kwoze

Gat ta a hat á mbàd’id’a 30:6

Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.

Gat ta a hat á mbàd’id’a 10:16

Agi hagi hurugi pet mi Ma didina, agi lagi yam mba ad’enga d’uo d’a.

Buzuk ka Abud’a 4:25

Amamba Sefora ti hlahina d’a tena, ti ngat gorotna bayâd’a, ti do Moise asem ki babak d’iwamu, ti dum ala: Angî mandjuf ma buzuna kanu.

Kolos-sâ 2:11

A ngad’agi bayâgid’a á tinigi zlapa tu ki Christ. Nga ni bayâ d’a suma a ngad’ata d’i, wani ni ngat ta Christ mi ngad’agizid’a. Mi pad’agi woi kur ad’enga hi djib’er magi d’a tchod’id’a.

Romê-na 4:11

Bugola, a ngad’am bayâd’a, wani bayâ mam mba ngata ni d’igi geuna na á tagei woi ala kid’a mam bei ngat bayâd’a tua d’a, Alona mi mbud’um sama d’ingêrâ yam he gagazi mamba. Kayam ndata, Abraham nabu suma a he gagazid’a yam Alonina pet. Le sum ndazina a ngat nga bayâd’a d’uo pî, Alona mi ndumuzi ni suma d’ingêrâ.

Romê-na 2:29

Wani Juif ma krovona ni Juif ma gagazi ma bayâ mam mba ngata ni kurum krovona. Ni bayâ d’a ngat ta yam Muzu’â hAloninid’a, nga ni yam gat ta a b’irita d’i. Juif ma gagazi máma, suma a nga suburumî azi d’i, wani Alona mi suburumî mamu.

Josue 5:3

Josue mi tchet ahinad’a mbigeud’a, mi ngat Israel-lâ bayâd’a yam ahina d’a Aralot-ta.