Josue 24:19 - Bible azumeina

¹⁹ Josue mi de mi suma a to’â ala: Agi ndak á lagi sunda mi Ma didina d’i. Kayam mam mi Alo ma bei tchod’a ba na, nAlo ma yungôrâ; mam mba mi ve tam yam tchila magid’a ki tcho magid’a d’i.

Josue 24:19 Referans Kwoze

Isai 5:16

Ma didin ma ad’engêm kal petna, a mba suburum yam sariya mam mba ka d’a d’ingêra. Alo ma bei tchod’a ba na mba mi tak tam mbei ala mam mi Ma bei tchod’a ba na yam d’ingêr mamba.

Buzuk ka Abud’a 23:21

Agi gologi tagi djivi avoromu, agi humum vunamu, agi som vunam mbi, kayam mam mba mi vat hurum mbei yam tcho magid’a d’i. Kayam mam le sunda ni ki simiyên anu.

Sawal la giled’a 99:9

Agi hagi ngola mi Ma didina Alo meina, agi grivigi kä yam ahina mam mba a tinit irat vata, kayam Ma didina Alona ni ma bei tchod’a ba na!

Sawal la giled’a 99:5

Agi hagi ngola mi Ma didina Alo meina, agi grivigi kä avok yi mam ma tin asema. Mam mi ma bei tchod’a ba na!

Sunda hi suma hi Levi-nid’a 19:2

Ang i de mablaud’a hi Israel-lîd’a ala: Agi kagagi ni suma yed’etna, kayam an Ma didina Alo magina ni Ma bei tchod’a ba na.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

1 Samuel 6:20

Bugola, suma Bet-Semes-sâ a dala: Sama mba mi ar tchola avok Ma didina Alo ma bei tchod’a ba na ni nge ge? Ei i ki zanduk mama navo hi nge ba, ei walam mbei ki sed’ei ge?

Buzuk ka Abud’a 34:14

Ar agi grivigi kä avok alo ma ding ngi, kayam an Ma didina simiyên ala Yungôrâ. An nAlo ma yungôrâ mi.

Matiye 6:24

Jesus mi had’azi kua ala: Azong ma tuna mi ndak á le sunda mi suliyod’a mbà d’i, wani mba mi noî ma tuna, mba mi le yam ma dingâ mi, d’oze mba mi kak ki ma tuna, mba mi ar ma dingâ woi mi. Agi ndagagi á lagi sunda mAlona ki beged’a djak ki.

Isai 30:15

Salad’a Ma didin ma tin tam irat vat yam Israel-lîna mi dala: Le agi kagagi tchugot agi hulongôgi atanu ni, an mba ni sud’ugiya. Le agi kagagi tchugot agi tinigi hurugi kanu ni, nad’eng magid’a. Wani agi minigi nga d’i!

Isai 30:11

A ni suma a nga dazi ala: Agi d’ezegi woi kur lovota, agi walagi woi ki lovot ta gureid’a, agi hud’ugi sä woi ki Ma tin tam irat vat yam Israel-lîna hina dei avoromiya na.

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

1 Samuel 3:14

Kayam ndata, an gun tan yam suma hi Eli-na ala: Vama ngat buzu d’oze he d’a hawa d’a ndak á pat tcho mazid’a woid’a nga d’i.

Wana ni mbaktum mba a b’irit yam Rut-ta 1:15

Naomi ti de mi Rut ala: Gola! Hinaka ti hulong wa gen simiyêd’u, ti hulong wa ata alo mat ma tetengâ mi. Ndak hulong avo hatak d’igi ndat na mi.

Josue 24:23

Ata yi máma Josue mi dazi ala: Ki tchetchemba, agi tchugugi alo ma ding ma nga adigagina woyo, agi mbud’ugi hurugi yam Ma didina Alona hi Israel-lîna.

Sunda hi suma hi Levi-nid’a 20:26

Agi kagagi ni man suma yed’etna, kayam an Ma didina ni Ma bei tchod’ina. An walagi kandjaf suma dingâ ni kayambala agi kagagi ni sum mana d’a.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Habakuk 1:13

Ang irangî bei tchod’a ba nga d’i min gol tchod’a d’i, ang ndak á gol sama djop vun suma d’uo mi. Ni kayam me ba, ang nga gol suma mbut ira hina tä ge? Ni kayam me ba, ang kak hina tchugot ata yima sama tchona nga mi le sama kalam ki d’ingêrina ndakina ge?

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Buzuk ka Abud’a 34:7

An ni ma nga ni ngom djivi man nda ki sumid’a gak kur atchogoi d’a dubud’ina, an ni ma nga ni vat hurun ndei yam tchilad’a, yam tchi matna, yam tcho d’a led’a hi sanid’a, wani an ni ma nga ni ar sama le tchod’a bei ka sariyad’a kam mbuo na, an ni ma nga ni ngop grod’a yam tchod’a habuyozid’ina, an ni ma nga ni ngop grozi ngolona gak kur atchogoi d’a hindid’a ki d’a fid’id’ina mi.

Sunda hi suma hi Levi-nid’a 20:7

Ar agi kagagi ni suma yed’etna, kayam an ni Ma didina Alo magina.

Josue 24:18

Mi dik suma woi avoromiya, kal pet ni suma Amor suma a nga kaka yam ambas sa wandina pet. Ami tami pî, ami lum sunda kayam mam mi Alo mamina.

Sawal la giled’a 99:3

Ar azi gileng simiyêng ma ngol ma suma le mandarâ aboma. Gagazi, angî ma bei tchod’a ba na.

Nahum 1:2

Ma didina nAlo ma yungôra, ni ma hlatchugula, nga mi hlatchugula, ni ma ayîna heîna, nga mi hlatchugula ki mam suma djangûna, nga mi ve mam suma djangûna kurum mi.

Sunda hi suma hi Levi-nid’a 11:44

An ni Ma didina Alo magina; agi mba mbud’ugi tagi yed’et, agi mba kagagi suma yed’etna, kayam an ni Ma bei tchod’a ba na. Ar agi mbud’ugi tagi ndjendjed’a kahle suma gurei suma a dram kä yam andagad’ina d’i.

Sunda hi suma hi Levi-nid’a 11:45

An ni Ma didin ma ni buzugugi woi kur ambas sa Ezipte-d’a á mbut Alo maginina. Agi mba kagagi ni suma yed’etna, kayam an ni Ma bei tchod’a ba na.

Isai 2:9

Kayam ndata, suma pet a mba hulongôzi yazi kä, suma nglona a mba grif kä mi. Ar ang vat hurung ngei kazi d’uo mi.