Josue 24:13 - Bible azumeina

¹³ An hagi ambas sa agi kawagi nga kat tuo d’a kazì ma nglo ma agi minim nga ni agi d’uo na; agi kagagi kua mi. An hagi guguzlud’a kagu olif ma agi pum nga ni agi d’uo na; agi nga tum mi.

Josue 24:13 Referans Kwoze

Gat ta a hat á mbàd’id’a 8:7

Moise mi dazi kua ala: Ma didina Alo magina nga mi kalagi kur ambas sa djivi d’a toliyon nda nga d’i djang kuad’a, d’a golongeî suma laud’a a nga kuad’a, d’a mbiyo ma ad’u andagad’a kä na nga mi sulul lei kur hora akulo yam ahuniyôna mi d’a.

Zla d’a d’ogolâ 13:22

Sama djivina mba mi ar djona mi grom ngolona, wani ndjondjoîd’a hi suma tchonid’a mba d’i arî mi suma d’ingêrâ.

Josue 21:45

Ahle suma djivi suma Ma didina mi hle vunam kazi mi Israel-lîna pet, mi ndagazi vunaziya; ma ar kä bei mi ndagam vunama nga d’uo mi.

Josue 11:13

Wani azigar suma Israel-lâ a ngal nga azì ma ngol ma a minim akulo yam ahuniyônina d’i; Josue mi ngalî azì ma ngol ma Hasor-râ hol.

Buzuk ka Abud’a 6:8

An mba ni kalagi kur ambas sa an gun tan kat á hat mi Abraham Isak ki Jakob-pa, an Ma didina mba ni hagizi djona.

Gat ta a hat á mbàd’id’a 19:1

Moise mi de kua ala: Fata Ma didina Alo magina mi dap andjaf suma mam nga mi hagizi ambas mazid’a woi ata yima agi digizi woina, agi kagagi kur azì mazi ma nglona, agi kagagi avo hatazina mi d’a,