Josue 23:12 - Bible azumeina

¹² Le agi hagi huyogogi mAlona, agi reyêgi kandjaf suma a ar kaka ki sed’egi wana, agi djinigi vunagi ki sed’ezi á vagi tagi ba, agi gizeyêgi ki sed’eziya ni,

Josue 23:12 Referans Kwoze

Gat ta a hat á mbàd’id’a 7:3

Agi ndjagagi vunagi ki sed’ezi á vigizi d’i, agi hagi grogi suma aropma mi grozina d’i, agi vigigi grozi suma aropma mi grogina d’uo mi.

Sofoni 1:6

An mba ni dap suma a noyôn an Ma didina suma a nga halan nduo suma a nga djobon yam va d’uo na woyo.

Ezekiyel 18:24

Wani le sama d’ingêrâ mi ar sun mam mba d’ingêra woi mi le sun nda ndjendje d’a sama asa’atna nga mi lata ni, mam mba mi kak karid’a zu? Sun mam mba d’ingêra pet a mba ndumumzi kam mbi. Wani yam sun nda ata yat tuo d’a ki tcho d’a mam he tam kat á led’id’a, mba mi mit tei kad’u.

1 Jean 2:9

Le sana nga mi dala mam nga mi tit kur b’od’a, wani le nga mi noî wiyema woyo ni, mi nga ni kur nduvunda tua.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Jean 6:66

Kid’a azi hum hina d’a, mam suma hata ablaud’a a yo tazi woi ad’umu, a dok tit ki sed’em mbuo d’a.

Matiye 12:45

Wani mi iya, mi yoï muzuk ma tcho ma dingâ kid’iziya ma kalam ki tchod’ina, a tchuk kur gong ndata, a kak kua. Sa máma tcho mam mba dananda mba d’i kal la avoka. A mba le hina dedege ki suma tcho suma kur atchogoi d’a wandina mi.

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.

Sawal la giled’a 125:5

Wani suma a nga tit kur lovot ta gundina, ang b’lagazi woi ki suma murud’umba. Ar ang mba ki b’leng nga halasa yam Israel-lâ!

Sawal la giled’a 36:3

Nga mi subur tam katam vam tala ar tcho mamba nde woi abu d’uo d’a, nga mi ar tcho mam ndata woi d’uo mi.

1 Amuleina 11:4

Wani kid’a Salomon mi mbut mamarid’a, amiyôma a tanam á kud’or alo ma dingâ teteng, kayam mi le nga yam Ma didina Alo mama ki hurum pet d’igi abum David na d’i.

1 Amuleina 11:2

Wani Ma didina mi de avok dei mi Israel-lâ yam andjaf suma dingâ ala: Agi zlabagi tagi kandjaf sum ndazina d’i, ar azi zlap tazi ki agi d’uo mi, kayam azi mba tanagi á kud’or alo mazina teteng. Wani Salomon mi zlap ki sed’ezi yam e’eûd’a hi hliu tad’id’a.

Ad’u Tinda 34:3

Mi tin hurum pet kad’u, hurum vad’u, mi dat zla d’a kurumba pet.

Ad’u Tinda 2:24

Kayam ndata, sana mba mi ar abum kasumu, mba mi reî kamamba, azi djak a mba mbut ni hliu ma tuna.

Gat ta a hat á mbàd’id’a 7:4

Le hina d’uo ni, a mba wal grogina woi ki Ma didina, a mba kud’or alo ma dingâ. Ma didina hurum mba mi zal kagi ngola, mba mi dabagi woi atogo zak mi.

Josue 23:11

Agi gologi tagi djivi á lagi yam Ma didina Alo magina.

Suma ka sariyad’a 3:6

Azi vik grozi suma aropma, azi he grozi suma aropma mi grozi suma andjofâ, a nga kud’or alo mazina teteng mi.

Gat ta a hat á mbàd’id’a 6:15

kayam Ma didina Alo magi ma nga adigagina, nAlo ma yungôrâ. Hurum le zal atagiya ni, mba mi dabagi woi yam andagad’a.

Suma ka sariyad’a 14:3

Abum azi kasum a dum ala: Na ni gro aropma a nga aduk b’oziyongâ grozina d’oze aduk sum meina ka hî d’uo ba, ang i veï atchad’a aduk suma Filistê suma bei ngat bayâd’a zu? Samson mi de mabum ala: Ang vandjiya, kayam ti nde iran heî!