Josue 22:33 - Bible azumeina

³³ Israel-lâ tazi lazi djivid’a, a subur Alona, a i nga durâ ata suma hi Ruben-na ki suma hi Gad-na á b’lak ambas sa azi nga kaka kuad’a woi d’uo d’a.

Josue 22:33 Referans Kwoze

Wana ni Zla d’a Djivi d’a Luc mi b’irita 2:28

Simeon mi hlum akulo hur abomu, mi subur Alona ala:

Daniel 2:19

Kur andjeged’a Alona mi tak Daniel vama gumun máma kur vama nde tam mbei irama. Ata yi máma Daniel mi le Alo ma sä akulona mersi,

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

Josue 22:30

Kid’a ma ngat buzuna Fines azi ki suma avok sumina ki suma nglo suma avok ablaud’a hi Israel suma a nga zlapa ki sed’ema a hum zla d’a suma hi Ruben-na ki suma hi Gad-na ki suma hi Manase-na a data, tazi lazi djivid’a, a ba mi.

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

2 Korente-na 7:7

Ami lami furîd’a ni yam mba mamba hol li, wani yam zla d’a mi dami ala agi tagi b’lengêm hurumu d’a mi. Mi dami kua ala agi tagi nga had’agi hurugi ngola á golonu, agi nga yorogi tagi kan ngola, tagi nga d’i lagi zlezleû á ndjunun mi. Kayam ndata, an nga ni le furîd’a ngola mi.

Sunda hi suma a sunuzinid’a 15:31

Kid’a azi ndum mbaktum ndata ndumba, a le furîd’a yam gat ta azi hazizid’a.

Sunda hi suma a sunuzinid’a 15:12

Suma toka pet a seng silil, a hum Barnabas azi ki Paul a nga vazi ad’u ahle suma simata kahle suma atchap suma Alona mi lazi ki sed’ezi aduk andjaf suma dingîna.

Josue 22:32

Fines ma ngat buzuna Elazar goroma azi ki suma nglo suma avok sumina a ar suma hi Ruben-na ki suma hi Gad-na, a hulong yam ambas sa Galät ta yam ambas sa Kanan-nda gen Israel-lâ, a vazi ad’u zla ndata.

Zla d’a d’ogolâ 25:25

Zla d’a djivi d’a tcholï yam andaga d’a deid’id’a, ti ni d’igi mbiyo ma ab’leng ma ang hum mi sama kaud’ina na.