Josue 2:24 - Bible azumeina

²⁴ Azi de mi Josue ala: Gagazi, Ma didina mi hei wa ambas ndata aboya; suma kur ambasina pî a nga zlak avorei mi.

Josue 2:24 Referans Kwoze

Buzuk ka Abud’a 23:31

An mba ni tinï haga magid’a avun alum ma ngol ma Tchereuna dei gak mba avun alum ma ngol ma Mediterane-na, ei hur ful ma Sinai-na dei gak dap avun alum ma Efrat-na. Kayam an mba ni hagi suma a nga kaka kur ambas ndatina abogiya, agi mba digizi woi avorogi mi.

Zla d’a d’ogolâ 25:13

Sama sun ma d’engzengâ mi ni d’igi ab’lenga hi nesâ d’a ata yima fet awunid’a na, kayam mam nga mi b’leng hur salama.

Josue 5:1

Amulei suma Amor-râ pet suma sä kaka abo alum ma Jurdê-na woi abo ma fladegenina kamulei suma Kanan-na pet suma a nga kaka avun alum ma ngol ma Mediterane-na, a hum ala Ma didina mi so alum ma Jurdê-na woi avok Israel-lâ gak a djak keyo d’a. Huruzi ka mbina avok Israel-lâ, ad’engêzi d’a tchol avorozid’a nga d’uo d’a.

Josue 1:8

Ar ang wal lei ki mbaktumba hi gatid’a d’i, ang dugud’ot ndumba á djib’er kat andjege ki falei á ngomot á tit yam ahlena pet suma a b’irizi kuana. Hina wani, ang mba ndak vun ahlena pet suma ang mba lazina, ang mba fazi mi.

Buzuk ka Abud’a 15:15

Amulei suma Edom-ma, mandarâ mi vazi ngola; suma gangrang suma dur ayî suma Mowap-ma a nga zlaga. Suma Kanan-na pet a tchuk susub’ok.

Josue 2:23

Suma mbà ndazina a tchuk asezi kä woi yam ahinad’a, a djak alum ma Jurdê-na, a mbaza gen Josue Nun goroma. A vum ad’u ahlena pet suma a le ki sed’ezina.

Suma ka sariyad’a 7:9

Kur andjege ndata Ma didina mi de mi Zedeyon ala: Ang tchola, ang i kur kangâ hi suma Madiyan-nina á durâ, kayam an hangziya wa abongû.

Josue 6:2

Ma didina mi de mi Josue ala: Gola! An hang wa azì ma ngol ma Jeriko-na kamul mama ki mam suma a we durîna abongû.

Josue 8:1

Ma didina mi de mi Josue ala: Ang le mandar ri, ar vunadigang pat tuo mi. Ang yo suma dur ayîna ad’ung pet, ang tchola, ang i dur Aï. Gola! An hang wa amul ma Aï-na ki sum mama, azì mam ma ngolâ kambas mamba pet abongû.

Suma ka sariyad’a 1:2

Ma didina mi hulong dazi ala: Nandjafâ hi Juda-na ba, mi iya, kayam an hum ambasa abumu.

Suma ka sariyad’a 18:10

Fata agi kalagi kuad’a, agi mba fagi suma a nga kaka ki halasina. Andaga ndata ti bubud’a, Alona mi hagizi abogi mi. Ni yima ahle suma yam andagad’a ka hina a kid’ak nga kua d’uo na mi.