Josue 18:10 - Bible azumeina

¹⁰ Josue mi le togina kazi avo Silo avok Ma didina, mi b’rau ambasa aduk Israel-lâ, nge nge pî mi fe b’rau mamba.

Josue 18:10 Referans Kwoze

Kolos-sâ 1:12

Ar agi lagi mersi mAbui Alona ki furîd’a, ni mam ma mi hagi ad’enga á fagi ahle mam suma djivina zlapa tu ki mam suma mi tinizi irazi vazi kur b’o mambina.

Sunda hi suma a sunuzinid’a 13:19

Kid’a mi b’lak andjaf ma kid’iziyana woi kur andaga d’a Kanan-ndid’a, mi hazi andaga ndata djona.

Josue 18:6

Agiya, agi i walagi ambasa kä ad’u kid’iziya, agi b’irigizi kä kur mbaktumba, agi mbeyendjï ka hî. An mba ni le togina kagi avok Ma didina Alo meina.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Matiye 27:35

Bugola, a b’alam akulo ata aguna, a b’rau baru mama aduk taziya, a tum gumara kad’u.

Ezekiyel 48:29

Salad’a Ma didina mi he vuna ala: Ni hina ba, agi mba b’rawagi andagad’a mandjafâ hi Israel ma lara ge teteng, mba d’i arî djo mama mi.

Ezekiyel 47:22

Agi mba b’rawagi andagad’a aduk tagi ki togina, kangoyogei suma a mba kak adigagi suma a mba vut grona adigagina mi. Ar agi lagi ki sum ndazina d’igi agi nga lagi ki Israel-lâ na. Ar ma lara pî mi fe djo mama aduk andjafâ hi Israel-lîna.

Zla d’a d’ogolâ 18:18

Togi ma led’a nga mi d’el vun huneîd’a, mi ka suma ad’engâ adigazi woi mi.

Sawal la giled’a 61:5

An min kak kur zlub’u manga teteu, an hal yima ngeid’a nad’u ahlabangû. Tchol ndjö

Sawal la giled’a 47:4

Mi hei ad’enga á te yam suma, mi hulongeî andjaf suma yazi kä ad’ui mi.

Josue 19:51

Wana nandaga d’a ma ngat buzuna Elazar azi ki Josue Nun goroma ki suma nglo suma avok andjafâ hi Israel ma tetengâ, a b’rawat djona aduk tazi ki togina avok Ma didina avo Silo avun zlub’u d’a ngaf tad’id’a. Ni hina ba, a dap kambasa b’raud’a djona aduk taziya.

Josue 18:8

Kid’a sum ndazina a tchol á id’id’a, Josue mi hazi vuna ala: Agi igiya, agi tid’igi yam ambasa, agi ngagiziya, agi mbeyegï gevenu. Bugola, an mba ni le togina kagi avok Ma didina avo Silo.

Ndumba 34:16

Ma didina mi de mi Moise ala:

Josue 18:9

Sum ndazina a tchol a i kur ambasa, a b’irid’î kä kur mbaktumba, a walat kä kid’iziya ad’u azì ma nglona. A hulongî gen Josue kur kangâ avo Silo.

Josue 18:11

A handagad’a mandjafâ hi Benjamin-na ad’u adezezi ad’u adezezi ki togina. Haga mazid’a ti hleï aduk andagad’a hi suma Juda-nid’a ki d’a hi suma hi Josef-fîd’a.

Jeremi 7:12

Kayam ndata, agi igi ata yima a tinim iram vam ma avo Silo ma an tin simiyên kua adjeuna, agi gologiziya. Ni nana ba, an b’lagam mbei ge? Ni yam asa’ata hi man suma Israel-lîd’a.

Mise 2:5

Ni kayam ndata ba, sa magi tu pî mba mi fe andaga d’a suma hi Ma didinina a mba b’rawat aduk tazid’a d’i!

Josue 14:2

A b’rau ambasa ni ki togina mandjaf ma zlengîna kabo andjaf ma tuna d’igi Ma didina mi he vuna mi Moise na.

Josue 14:5

Israel-lâ a le d’igi Ma didina mi he vuna mi Moise na, a b’rau ambasa aduk taziya.

Josue 23:4

Gola! An b’rawagiya wa andagad’a handjaf suma an kus kazina ki d’a hi suma an ar bei kus kazina aduk alum ma Jurdê-na abo ma yorogona kalum ma ngol ma Mediterane-na abo ma fladegena djona ki togina ad’u andjavagi ad’u andjavagiya.

1 Sunda Hamuleinid’a 24:5

A walazi teteng ni ki togina, kayam suma nglo suma a tinizi ata yima a tinim iram vama ki suma nglo suma a le sunda mAlonina ni suma ad’u andjafâ hi Elazar-râ kandjafâ hi Itamar-rîna mi.

Nehemi 11:1

Suma avok sumina a kak avo Jerusalem. Ablau suma a le togina á we aduk suma dodogona, ni nge nge azi ba, a kak avo Jerusalem kur azì ma a tinim iram vam máma tala suma ar zlezlengîna a kak kur azì ma dingâ tetengû d’a ge?