Josue 17:1 - Bible azumeina

¹ Wana nandaga d’a a hat mandjafâ hi Manase ma Josef gorom ma ngolâ ki toginid’a: Makir ni Manase gorom ma ngolâ, ni Galät abumu. Mi fambas sa Galät-ta ki d’a Basan-nda djona mi, kayam mam mi sama dur ayîna.

Josue 17:1 Referans Kwoze

Ndumba 26:29

Wana nandjafâ hi Manase-na: Suma Makir-râ nandjafâ hi Makir-râ, Makir mi vut Galät, suma Galät-na nandjafâ hi Galät-na.

Ad’u Tinda 41:51

Mi yi ma ngolâ ala Manase, kayam mi dala: Alona mi ndjunun an mar rei yam ndak man nda landa pet, yam azina habuna pet mi.

Ad’u Tinda 50:23

Josef mi we Efraim groma ki iram gak andjavam ma hindina. Makir ma Manase goromina, groma a vud’uzi ni ir Josef.

Ad’u Tinda 46:20

Manase ki Efraim ni Josef grom suma mi vud’uzi avo Ezipte ki Asenat Potifer ma ngat buzuna hi On-na gorombina.

Ad’u Tinda 48:18

mi de mabum ala: Iba, nga hina d’i, kayam ihî ni ma ngolâ; ang tin abong ma ndjufâ kamu.

1 Sunda Hamuleinid’a 2:23

Suma Gesur-râ ki suma Aram-ma a hlazì ma Jayir-râ zlapa kazì ma Kenat-na kazì ma nguyuma pet mi. Azì ma nglona pet ni dok karagaya. Suma a kak yam ambas ndatina pet ni Makir ma Galät abuma groma.

Suma ka sariyad’a 5:14

Suma hi Efraim suma a kus yam suma Amale’â a tcholï a mba. Suma hi Benjamin-na a zlap ki azigar mazina. Suma hi Makir-râ a sun mazi suma nglona á dur ayîna zlapa ki suma hi Zabulon suma a nga ki totogo d’a tamula abozina.

Gat ta a hat á mbàd’id’a 21:17

Wani mi he b’raud’a hi gor ma ngolîd’a mi gorom ma hamam mba mam nga mi le kat tuo d’a yam mbà, kayam gor máma nad’eng mam mba avoka, b’raud’a hi gor ma ngolîd’a ni mamba mi. Gor ma bei hum vuna

Ndumba 32:33

Moise mi handjafâ hi Gad-na, andjafâ hi Ruben-na kabo andjafâ hi Manase ma Josef goromina leud’a hi Sihon amul ma Amor-râ ki leud’a hi Ok amul ma Basan-nid’a, nala, ambasa kazì mat ma nglona kandaga d’a nguyumba pet mi.

Ndumba 27:1

Mala, Nowa, Hogla, Milka ki Tirsa, azi ni Selofat grom suma aropma. Mam mi ad’u andjafâ hi Manase ma Josef goromina, nala, Manase mi vut Makir, Makir mi vut Galät, Galät mi vut Hefer, Hefer mi vut Selofat máma. Gro arop suma vahl ndazina

Ad’u Tinda 48:17

Ata yima Josef mi wabum mi tin abom ma ndjufâ yam Efraim-ma, tam lum nga djivi d’i, mi vabum abom á hlum mbei yam Efraim á djogom yam Manase,

Josue 17:2

A handagad’a djona mandjafâ hi Manase ma dingâ ad’u adezezi ad’u adezeziya, a he mandjafâ hi Abiyezer-râ, a he mandjafâ hi Hele’â, a he mandjafâ hi Asriyel-lâ, a he mandjafâ hi Sikem-ma, a he mandjafâ hi Hefer-râ, a he mandjafâ hi Semida-na. Azi pet ni Manase ma Josef goromina grom suma andjofâ ad’u adezezi ad’u adezeziya.

Josue 22:7

Moise mi handaga d’a Basan-nda djona adjeu mabo andjafâ hi Manase-na, wani Josue mi habo andjaf ma arâ andagad’a djona gen b’oziyozina sä abo alum ma Jurdê-na woi hî abo ma fladegena. Ata yima mi tchuguzi á i ata yazi ma kakina, mi b’e vunam kaziya.

Ezekiyel 48:4

Andagad’a hi Manase-d’a ti tinï hagad’a ni ki d’a hi Neftali-d’a abo ma yorogona gak ti i abo ma fladegena mi.

Ad’u Tinda 41:52

Mi yi wiyem ma kama ala Efraim, kayam mi dala: Alona mi han grona yam ambas sa an nga kaka kurut ki hohoud’id’a.

2 Samuel 2:9

Mi tinim amula yam suma Galät-na, yam suma Asur-râ, yam suma Jisreyel-lâ, yam suma Efraim-ma, yam suma Benjamin-na, nala, yam Israel-lâ pet.

Ezekiyel 47:13

Salad’a Ma didina mi dala: Wana ni hagad’a hambas sa agi mba b’rawagizi djona mandjafâ hi Israel ma dogo yam mbànid’a. Andjafâ hi Josef-fâ mba mi fe b’raud’a yam mbà.