Josue 11:17 - Bible azumeina

¹⁷ Mi tinï ad’ud’a yam ahina d’a va nga kat tuo d’a dei gak mba Seir, mi kal gak mi mba Bäl-Gad kur hor ra Liban-nda kä ad’u ahina d’a Hermon-nda. Mi yo amulei suma kur ambas ndatina pet, mi dabazi tchid’a woi pet mi.

Josue 11:17 Referans Kwoze

Gat ta a hat á mbàd’id’a 7:24

Mam mba mi hagi amulei mazina abogiya; agi tchazi simiyêzi woi yam andagad’a ka hî. Ma mba mi tchol avorogi tu pî nga d’i gak agi dabazi woyo.

Josue 13:5

kambasa hi suma Giblos-sîd’a, ki Liban nda abo ma yorogonid’a tinï ad’ud’a Bäl-Gad ad’u ahina d’a Hermon-nda dei gak mba avun azì ma Hamat-na,

Josue 11:3

zlapa ki suma Kanan suma abo ma yorogona ki suma abo ma fladegena, ki suma Amor-râ, ki suma Het-na, ki suma Peris-sâ, ki suma Jebus suma a nga kaka yam ahinad’ina, ki suma Hef suma a nga ad’u ahina d’a Hermon-nda yam ambas sa Mispa-d’ina.

Josue 1:4

Haga magid’a mba d’i tinï ad’ud’a hur fulâ abo ma sutna gak ti mba yam ambas sa Liban-nda abo ma norâ, ti kal gak ti i avun alum ma Efrat-na yam andagad’a hi suma Het-nid’a pet abo ma yorogona gak ti mba avun alum ma ngol ma Mediterane-na abo ma fladegena.

Gat ta a hat á mbàd’id’a 33:2

Mi dala: Ma didina mi tcholï yam ahina d’a Sinai-d’a, mi mba mi tak tam mbei kazi yam ahina d’a Seir-ra, mi b’o yina woi yam ahina d’a Paran-nda. Mi ndeï aduk malaika mam suma dudubuna, gat ta akud’a nga ved’a abom ma ndjufâ kaziya.

Gat ta a hat á mbàd’id’a 2:1

Bugola, ei hulongeî kazigei i hur fulâ ki lovot ta avun alum ma ngol ma Tchereunid’a d’igi Ma didina mi dan na. Ei nguyui ahina d’a Seir-ra ngungui, ei lei burâ ngola.

Ad’u Tinda 32:3

Jakob mi sun suma avorom gen wiyema Esau, kur ambas sa Seir yam andaga d’a Edom-mba.

Gat ta a hat á mbàd’id’a 3:9

(Suma Sidon-na a yi ahina d’a Hermon-nda ala Siriyon, wani suma Amor-râ a yat ala Senir.)

Josue 11:18

Josue mi dur ayîna ngola kamulei ndazina.

Sawal la giled’a 89:12

Akulod’a ni manga, andagad’a ni manga mi, duniyad’a ki zlat pet kahle suma kurutna pet, ni ang ba, tinit ad’ud’u.

Gat ta a hat á mbàd’id’a 1:7

Agi hulongôgi igi yam ahina d’a Amor-ra ki yima nguyutna, hur fulâ yam ahinad’a, kur hora abo ma sutna, avun alum ma ngol ma Mediterane-na, yam ambasa hi suma Kanan-nid’a ki d’a hi suma Liban-nid’a gak avun alum ma ngolâ, nala, alum ma Efrat-na.