Josue 10:41 - Bible azumeina

⁴¹ Josue mi kus kaziya, tinï ad’ud’a Kades-Barneya dei gak a mba Gaza, a kal gak a i Gosen gak a mba Gabawon.

Josue 10:41 Referans Kwoze

Josue 11:16

Josue mi yo ambasa pet, d’a yam ahuniyônid’a, d’a abo ma sutnid’a, d’a Gosen-nda, d’a kä ata yima ligitimid’a, d’a kä kur hora halum ma Jurdê-nid’a ki d’a yam ahuniyôna, ki d’a hur fula abo ma norîd’a mi.

Josue 15:51

Gosen, Holon ki Gilo. Azì ma nglona ni dogo yam tu kazì mazi ma gureina mi.

Gat ta a hat á mbàd’id’a 9:23

Kid’a ei nga kur Kades-Barneya-d’a, Ma didina mi suni mi dagi ala: Agi i hlagi ambas sa an nga ni hagizid’a. Ata yi máma, agi gagi nga yagi kä ad’u vun ma hed’a hi Ma didina Alo maginina d’i. Agi hagi nga gagazid’a kam mbi, agi gagi nga yagi kä ad’u zla mamba d’uo mi.

Ad’u Tinda 10:19

Andagad’a hi suma Kanan-nid’a tin ni ad’ud’a ni Sidon go ki Gerar, gak Gaza go ki Sodom ki Gomor ki Atma ki Seboyim, gak Lesa.

Sunda hi suma a sunuzinid’a 8:26

Wani malaikana hi Salad’ina mi de mi Filip ala: Ang tchol ang i abo ma sutna kur lovot ta Jerusalem mba i Gaza-d’a, kur lovot ta i abageid’a.

Zakari 9:5

Suma Askalon-na a mba we, a mba le mandarâ, suma Gaza-na a mba zlaga, suma Ekron-na a mba zlak mi, kayam a mbut zulona yam hur mazi ma tinda. A mba famul kur Gaza d’uo d’a, a mba fe sama kak kur Askalon nduo mi.

1 Amuleina 3:5

Kid’a Salomon mi sä Gabawon tua d’a, Ma didina mi dum adïd’a andjege ala: Ang tchenen vama ang minima, an ni hangziya!

1 Samuel 6:17

Wana nahle suma lor suma a hle tazi d’igi tugud’ei d’a a yat ala emorota na suma Filistê-na a hazi he d’a hawad’a mi Ma didina yam zla d’a vazid’ina: tu yam azì ma ngol ma Asdot-na, tu yam azì ma ngol ma Gaza-na, tu yam azì ma ngol ma Askalon-na, tu yam azì ma ngol ma Gat-na, tu yam azì ma ngol ma Ekron-na mi.

Suma ka sariyad’a 16:21

Suma Filistê-na a vumu, a tchom iram mbeyo, a i ki sed’em Gaza, a djinim ki kawei ma hleuna, a tinim á lut awuna kur dangeina.

Suma ka sariyad’a 16:1

Samson mi i avo Gaza, mi watcha d’a gaulangâ nga kua, mi zlap ki sed’ed’u.

Josue 10:12

Kur bur máma Ma didina mi he suma Amor-râ abo Israel-lâ. Josue mi tchen Ma didina avok Israel-lâ, mi dala: Ndak afata, ndak tchol akulo yam suma Gabawon-na hina djang! Ang tilâ, ang tchol akulo yam Hor ra Ajalon-nda hina djang mi!

Josue 10:2

Ata yi máma a mbut mandarâ ngola, kayam azì ma Gabawon-na nazì ma ngolâ d’igi azì ma ngol ma amula na, mi ngola kal azì ma Aï-na; suma kuruma pet ni suma a we durîna mi.

Ndumba 34:4

Ti mba d’i kongî abo ma sut ma djak akulo aduk ahina d’a Akrabim-mbina, ti i Tisin, ti kal gak ti i abo ma sutna hi Kades-Barneya-na, mba d’i i Hasar-Adar gak Asmon.

Ndumba 32:8

Abuyogi a le ni hina dedege kid’a ami nga Kades-Barneya ata yima an sunuzi á d’u ambasina.

Ndumba 13:26

Kur mba mazid’a, a i gen Moise azi ki Aron kablaud’a hi Israel-lîd’a avo Kades hur ful ma Paran-na, a dazi zlad’a yam ahle suma azi wazina pet, a tagazi vud’agu ma yam ambas ndatina mi.

Gat ta a hat á mbàd’id’a 1:19

Moise mi de mi Israel-lâ kua ala: Bugol ahle ndazina, ei tcholei Horep, ei tid’i hur ful ma tcho ma duwa’â d’igi agi tagi wagizi na, ei hlei lovot ta yam ahina d’a Amor-ra d’igi Ma didina Alo meina mi hei vuna na, ei mbei Kades-Barneya.

Gat ta a hat á mbàd’id’a 2:23

Suma Af suma a nga kaka kur azì ma gureina gak Gaza-na, suma tcholï Kaftor-râ a tchaziya, a kak blangâziya.)

Josue 11:22

Sama Anak mi ar nga yam ambasa hi Israel-lîd’a d’i; a arî avo Gaza ki Gat ki Asdot hol.