Josue 10:16 - Bible azumeina

¹⁶ Wani amulei suma vahl ndazina a ring a ngei tazi kur zul ahina d’a Makeda-d’a.

Josue 10:16 Referans Kwoze

Vama ndum mbeina 6:15

Amulei suma yam andagad’ina ki suma nglona ki nglo suma hi azigarîna ki suma ndjondjoîna ki suma ad’enga ki magumeina pet ki gro vuta a ngei tazi angra ahuniyôna, a ngei tazi akulo yam ahuniyôna mi.

Mise 7:17

Azi mba trâ andaga d’a gugud’upa d’igi guguina na, d’igi ahle suma a dram kä yam andagad’ina na. A mba buzuk kei kur aziyazi ma ad’eng ma ngunguna ki zlaka á i gen ang Ma didina Alo mamina, a mba lang mandarang mi.

Amos 9:2

Le azi kal kä ata yima azuleina pî, an mba ni i kua ni yoziya; le azi dja’î akulo pî, an mba ni tchuguzi asezi kä.

1 Samuel 24:8

Ni ki zla ndata ba, David mi d’el sum mama á le Saul tchod’a. Bugola, Saul mi tchol mi nde woi kur zul ahinad’a, mi i yi mama.

1 Samuel 24:3

Saul mi yo suma a we durâ aduk Israel-lîna 3000, mi i á hal David ki sum mama gak ad’u ahina d’a ahu abeid’a nga d’i te kuad’a.

1 Samuel 13:6

Israel-lâ a wala azi navun bad’a, kayam suma Filistê-na a hebezi ped’et. Kayam ndata, nge nge pî mi hal yi mam ma ngei tama, suma dingâ aduk ahuniyôna, suma dingâ aduk azlupa, suma dingâ kur golongeî suma adjeuna, suma dingâ kur yima ngeid’a teteng mi.

Suma ka sariyad’a 6:2

Suma Madiyan-na a nga djop vun Israel-lâ ngola. Kayam ndata, Israel-lâ a i ngei tazi angra ahuniyôna, kur zul ahuniyôna akulo yam ahuniyô suma fuyogeina abo suma Madiyan-na.

Josue 10:5

Amulei suma Amor suma vahl ndazina a ndjak vunazi tu, nala, ma Jerusalem-ma, ma Hebron-na, ma Jarmut-na, ma Lakis-sâ ki ma Eglon-na mi. A i ki azigar mazina pet, a ngui Gabawon, a ndazi durâ.

Josue 10:15

Bugol ahle ndazina, Josue azi ki azigar Israel-lâ pet a hulong kur kangâ avo Gilgal.

Josue 10:17

A mba de mi Josue ala: Amulei suma vahl ndazina a ngei nga tazi kur zul ahina d’a Makeda-d’a.

Sawal la giled’a 68:12

Salad’a mi he vuna; arop suma sunda ablaud’a a tchi wal zla ndata woi mi.

Sawal la giled’a 68:13

A dala: Amuleina ki b’rang mazid’a a ringâ. A ringâ, wani atcha d’a ti ar kaka avo hurazinid’a, ti nga d’i b’rau ahle suma a hurumuzïna.