Biblia Todo Logo
Bib sou entènèt

- Piblisite -




Jonas 2:2 - Bible azumeina

2 Jonas mi nga kur kulufâ, mi tchen Ma didina Alo mama.

Gade chapit la Kopi




Jonas 2:2
26 Referans Kwoze  

Ni sawal la suma a djak Jerusalem á lü vun tilîna a hlata. Kur ndak manda an yi Ma didina, mi hulongôn humba.


Suma a hle irazi á goloma, irazi b’o woyo, azi nga mbut zulona d’i.


Kayam o mang nga didin nda ang lat kanda, ti kal ngola heî; kayam ang prud’un ndei ata yima azuleina mi.


Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.


David mi nga kur yor tad’a ngola, kayam sum mama a nga dala: Ei durizi kahinad’a, ei tchiziya! Kayam suma pet a nga kur hur ma hata, nge nge pî nga mi hat hurum yam grom suma andjofâ ki grom suma aropma. Wani David nga mi fad’enga ni yam Ma didina Alo mama.


D’igi Jonas mi le burâ kur kuluf ma ngolâ falei hindi andjege hindi na, an Gor Sana mba ni le burâ hindi faleya, hindi andjege kä aduk andagad’a hina mi.


Matna mi d’ud’un wa ki ziyo mama; mandarâ hi yima azuleinina, mi van wa; djop vuna ki kid’eî ira a van wa mi.


Agi suma d’engzengâ hi Ma didinina, agi suburugiziya; agi andjafâ hi Jakob-ma pet, agi gilemu; agi andjafâ hi Israel-lîna pet, agi hum ngola,


Ni sawal la David mi hlat kadingâ mi hat mi ma ngolâ hi suma hle sawalina.


Kayam mi nga kur a’alîd’a, mi tchen Alona ki so tad’a, zumal la kamba nga d’i tol kä d’igi buzuna na mi.]


Yima azuleina mi yir gak mi i kä ata ad’um mba dabid’a á d’ugulong kur mba manga, mi zlit suma azuleina avorong akulo zlapa ki suma nglo suma yam andagad’a adjeuna, mi tchol amuleina handjaf suma adjeuna akulo woi yam zlumiyô mazi suma amula pet mi.


Alo mana, kur azì ma Siyon-na, nge nge pî mi ndak á gilengû, mi ndak á ndak vun vama mam hlang vunam kama mi.


Alo mana, ang hum tchi mana, ang tin humang hum tchen manda.


Kayam ang mba aran kä ata yima azuleina d’i, ang mba ar mang ma d’engzengâ kä kur zula á tchimba d’i.


kayam ang mba aran kä ata yima azuleina d’i, ang mba aran ma ang tinin iran vana kä kur zula á tchimba d’i.


Ang golon d’igi an natcha d’a zlat nga d’uo d’a na d’i. An tchen ngola ni kayam pupuluk ka tanda ki hur man ma hata.


Ma didina, an yangî kä ad’u golong nga adjeud’a.


An mba ni gang kä kur zul la yiyika gen suma mat suma a nga kä adjeu dedeina. Ang mba ar kaka kä ad’u andagad’a d’igi suma a b’lak kei dedeina na, zlapa ki suma mat suma a bo avorongâ, ang dok djagï akulo á kaka aduk suma a nga ki irazi yam andagad’ina d’uo d’a.


A le hina ni kayambala agu ma avun mbina ma mi tche mbina heîna, mi wul gak yam mbi do d’ugula d’oze mi subur tam yam fiyak mamba d’uo d’a, kayam aguna pet a lum ná matna d’igi suma na, a mba i kä ad’u andagad’a gen suma a i kä azuleina.


Ata yima mi nga kur ndakina, mi tchen Ma didina Alo mama, mi hulong yam kä avok Alona habuyom ngolona.


Kayam nge nge pî ma nga mi tchena, Alona mba mi humu; sama nga mi halâ, mba mi fe; sama nga mi dap vun gongina, a mba malamziya.


Swiv nou:

Piblisite


Piblisite