Jonas 1:7 - Bible azumeina

⁷ Suma le sunda kur batod’ina a nga de tazi ala: Mbeigiya, ei lei togina á we sama mi mba ki ndaka keina. A le togina; mi nde yam Jonas.

Jonas 1:7 Referans Kwoze

Zla d’a d’ogolâ 16:33

Suma a nga le togina á we vama nga mi mbana, wani ni Ma didina ba, mi ndak vun zla ndata.

Josue 7:10

Ma didina mi de mi Josue ala: Ni kayam me ba, ang ge tang kä andaga ge? Ang tchol akulo!

Ndumba 32:23

Wani le agi lagi nga hina d’uo ni, agi lagi ni tchod’a avok Ma didina, agi wagi woi tetet ala tcho magid’a mba d’i hulong kagiya.

Sunda hi suma a sunuzinid’a 13:19

Kid’a mi b’lak andjaf ma kid’iziyana woi kur andaga d’a Kanan-ndid’a, mi hazi andaga ndata djona.

Matiye 27:35

Bugola, a b’alam akulo ata aguna, a b’rau baru mama aduk taziya, a tum gumara kad’u.

Sawal la giled’a 22:18

An ndak á ndum asogon pet. Man suma djangûna a so irazi kanu, a nga golonu.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Wana ni mbaktumba hi Job-pa 10:2

An mba ni de mAlona ala: Ang kan sariyad’a kan ndi, ang dan ad’u vama ang kak djangûna ki sed’en kama.

Ester 3:7

Kur til ma avok ma a yum ala Nisan-na, kur biza d’a dogo yam mbà d’a Asuwerus nga mi tamulid’a, a nde le pur-râ, nala, togina, avok Haman burâ ki burâ, gak mba mi nde kur til ma dogo yam mbà ma a yum ala Adar-râ.