Joel 3:10 - Bible azumeina

¹⁰ Agi yogi ad’u kowuyo magina, agi zlagizi mbuguyo suma fuyogeina, agi yogi mbaragum magid’a, agi zlagizi asubiyona. Ar ma amangeîna pî mi dala: An ni ma ad’engâ!

Joel 3:10 Referans Kwoze

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

2 Sunda Hamuleinid’a 25:8

Le ang i wa ki sed’eziya, le ang mba tchol ad’enga kur ayî ma durâ pî, Alona mba mi kang aseng azlard’eîd’a avok mang suma djangûna, kayam Alona mi nga kad’enga á ndjun sana, mi nga kad’enga á kam asem azlard’eîd’a mi.

Mise 4:3

Mam mba mi mbut ni ma ka sariyad’a aduk andjaf suma ablaud’a, mba mi mbut ni ma min zlad’a handjaf suma sib’ik suma sä deina, mbuguyo mazi suma fuyogeina mba mi zlazi sï kowuyona, asubuyo mazina mba mi zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Isai 2:4

Mam mba mi mbut ni ma ka sariyad’a aduk andjaf suma, mba mi mbut ni ma min zlad’a aduk andjaf suma ablauna. Mbuguyo mazi suma fuyogeina a mba zlazi sï kowuyona, asubuyo mazina a mba zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Wana ni Zla d’a Djivi d’a Luc mi b’irita 22:36

Mi dazi ala: Wani ki tchetchemba, sama nga ki bid’im mba beged’a, mi yod’u, mi yo d’a ngola mi. Sama nga ki mbigeu d’a fiyaka d’uo na, mi gus baru mam mba ngola woyo, mi gus mbigeu d’a fiyaka.

Jeremi 51:11

Agi gurugi sï yeû magid’a, agi yogizi kur aziyad’u. Ma didina mi djiu wa hur amulei suma Mede-na akulo, kayam mi nga hurum á b’lak Babilon ndei da’, kayam natchugul la sad’a hi Ma didina d’a mi sat yam gong mam mba kud’orid’a.

Wana ni Zla d’a Djivi d’a Luc mi b’irita 13:12

Kid’a Jesus mi wata, mi yad’u, mi dat ala: Atchad’a, an pad’ak wa woi kur tugud’ei maka.