Joel 1:5 - Bible azumeina

⁵ Agi suma gurud’ugi ki sümina, agi zlid’igi akulo, agi tchigiya. Agi suma tche süm guguzlud’a heîna pet, agi tchigi tchi ma hohoud’a, kayam a kagi wa süm guguzlud’a avunagiya.

Joel 1:5 Referans Kwoze

Jacques 5:1

Agi suma ndjondjoîna, ki tchetchemba, agi humugiya. Agi tchigi ki yor tad’a yam zla d’a hohou d’a nga d’i mba kagid’a.

Wana ni Zla d’a Djivi d’a Luc mi b’irita 16:19

Adjeu sama ndjondjoîna mi nga. Nga mi tchuk baru d’a hleud’a ki baru d’a hap pa guzut kal teglesa atamu. Burâ ki burâ mi nga kaka ki furîd’a ki tena.

Joel 3:3

Azi le togina yam sum mana, azi he gor mandjufâ yam gaulangâ, azi gus gor weid’a süm guguzlud’a á tched’a.

Joel 1:13

Agi suma ngat buzuna, agi tchugugi dodora atagiya, agi yorogi tagiya. Agi suma lagi sunda ata yima ngal ahle suma ngat buzunina, agi tchigiya. Agi suma lagi sunda mAlo manina, agi tchugugi dodora atagiya, agi mbeï burugi kä andjege. Kayam a nga mba ki he d’a hawa d’a afuta ki he d’a hawa d’a süm guguzlud’a kur gong nga kud’ora hAlo maginid’a d’uo d’a.

Joel 1:11

Suma zuma a mbut hohoud’a, suma zum guguzlud’a a nga yor tazi yam gemena kawu orsâ, kayam vama dut nga d’uo d’a.

Ezekiyel 30:2

Ang gor sana, ang djok vuna, ang dala: Salad’a Ma didina mi dala: Agi tchigi tchi ma hat hurâ ala: Alë! Ni bur ma me na ge?

Jeremi 4:8

Kayam ndata, agi tchugugi baru d’a dodora atagiya, agi tchagi abogi kurugiya, agi tchigi horâ, kayam Ma didina nga mi arei bei ngopa kayî mam ma bibiliuna d’i.