28 an nga ni le mandarâ abo ndak manda pet, an wala ang Alona mba ndumun d’igi sama bei zlad’a kama na d’i.
Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.
Ma didina, Salad’a, ladjï ang nga ndumî tchod’a hi sumid’a ni, ni nge ba, mba mi kak karid’a avorong nge?
Ata yima an nga ni djib’er yam ahle suma a mba kana, vunadigan pat fek, an nga ni zlak mi.
Ki tchetchemba, ang nga ndumun asen ma tita, wani ang mba tin irang yam tcho manda d’i.
Le an le tchod’a ni, ang wan wa, hurung nga vat tei yam tcho manda d’i.
Gagazi, an we woi tetet ala ni hina! Ni nana ba, sana mi mbut sama d’ingêrâ avok Alona ge?
Ni kayam me ba, ang vat hurung ngei yam tcho manda d’uo ge? Ni kayam me ba, ang mar rei yam tcho manda d’uo ge? Ki tchetchemba, an nga ni i bur kä aduk andaga d’a gugud’upa; ang mba halanu, wani ang mba fan nduo d’a.
Vama an le mandarâ aboma ni vama mba kä na, vama an nga ni le gigrit kama ni vama fana mi!
Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.
Le an de zlad’a pî, ndak manda nga d’i ban ndi. Le an ar bei de zlad’a pî, ndat mba d’i wal lei ki sed’en ni nana ge?
Wani Alona mi tinin zlad’a kan mi kak djangûna ki sed’enu, mi golon ni d’igi mam ma djangûna na.