Wana ni mbaktumba hi Job-pa 9:20 - Bible azumeina

²⁰ Le an ni sama d’ingêrâ pî, vunan mba kan sariyad’a kanu. Le an ni sama bei zlad’a kana pî, vunan mba mi mbud’un sama zla nga kama.

Wana ni mbaktumba hi Job-pa 9:20 Referans Kwoze

Wana ni mbaktumba hi Job-pa 34:35

Job mi de zlad’a ni bei mi wat ad’ut ba, zla mam mba ded’a ti nga ata yat ti.

Jacques 3:2

Kayam ei pet nga tchilei yam ahlena ngola. Le sana nga mi tchila yam ahlena kur zla mam mba ded’a d’uo ni, sa máma ni sama ndak memetna, mi ndak á ngom tam pet memet mi.

1 Timote 6:5

ki tuguyod’a hi suma djib’er mazid’a b’lak keina. Zla d’a gagazid’a nga kuruzi d’i, a nga djib’er ala he gagazi d’a yam zlad’a hAlonid’a ni lovot ta fe beged’a.

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Wana ni Zla d’a Djivi d’a Luc mi b’irita 10:29

Wani mi min mbut tam d’ingêr, mi djop Jesus ala: Ndrana ni nge ge?

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Zla d’a d’ogolâ 17:20

Sama nga ki hur ma tchonina nga mi fe djivid’a d’i, sama nga mi de zla d’a ata yat tuo d’ina nga mi nde kur ndaka mi.

Zla d’a d’ogolâ 10:19

Sama tchit heîna nga mi ba bei le tchod’a d’i, wani sama nga mi ngom vunam ped’etna ni sama wäd’u zlad’ina.

Sawal la giled’a 143:2

Ang ka sariyad’a yam an azong mangâ d’i, kayam sama d’ingêr nga yam andagad’a avorong ngi.

Sawal la giled’a 130:3

Ma didina, Salad’a, ladjï ang nga ndumî tchod’a hi sumid’a ni, ni nge ba, mba mi kak karid’a avorong nge?

Wana ni mbaktumba hi Job-pa 35:16

Ni kayam ndata ba, Job nga mi mal vunam mi de zla d’a hawa yayaka, nga mi zul zla d’a bei wat ad’ut ba d’a ni na mi.

Wana ni mbaktumba hi Job-pa 9:2

Gagazi, an we woi tetet ala ni hina! Ni nana ba, sana mi mbut sama d’ingêrâ avok Alona ge?

Wana ni mbaktumba hi Job-pa 4:17

Sana mi ndak á mbut d’ingêr avok Alona zu? Sana mi ndak á mbut yed’et avok Ma luma zu?

Wana ni mbaktumba hi Job-pa 1:1

Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

Wana ni mbaktumba hi Job-pa 9:15

Le an mbut ni ma d’ingêrâ pî, an ndak á hulongôm zla d’a ded’a d’i. An mba ni tchen ni man ma ka sariyad’a ba, mi wan hohowonu.

Wana ni mbaktumba hi Job-pa 9:29

Ni an ba, zlad’a mba d’i vanu! Ni kayam me ba, an kau tan hawa hina yak ke?

Wana ni mbaktumba hi Job-pa 9:28

an nga ni le mandarâ abo ndak manda pet, an wala ang Alona mba ndumun d’igi sama bei zlad’a kama na d’i.

Wana ni mbaktumba hi Job-pa 10:15

Le zlad’a vanu ni, ni zla d’a hohoud’a kanu! Le an ni sama bei zlad’a kana ni, an ndak á hle yan akulo d’i. Abo zulo ma tok kana, an ka guruta woi abo ndak manda mi.

Wana ni mbaktumba hi Job-pa 14:17

Ang mba ngeyen tcho manda kä kur bid’imba, ang mba kulubun yam tchila manda kä mi.