Wana ni mbaktumba hi Job-pa 9:15 - Bible azumeina

¹⁵ Le an mbut ni ma d’ingêrâ pî, an ndak á hulongôm zla d’a ded’a d’i. An mba ni tchen ni man ma ka sariyad’a ba, mi wan hohowonu.

Wana ni mbaktumba hi Job-pa 9:15 Referans Kwoze

Wana ni mbaktumba hi Job-pa 10:15

Le zlad’a vanu ni, ni zla d’a hohoud’a kanu! Le an ni sama bei zlad’a kana ni, an ndak á hle yan akulo d’i. Abo zulo ma tok kana, an ka guruta woi abo ndak manda mi.

Wana ni mbaktumba hi Job-pa 8:5

Wani le ang nga hal Alona, le ang nga tchen Ma ad’engêm kal petna,

1 Pierre 2:23

Ata yima a nguluma, mi hulong nga ngula balum mbi. Ata yima mi fe ndakina, mi ngop nga sa d’i, wani mi ar zla mamba abo Alo ma ka sariya d’a d’ingêrina.

Wana ni mbaktumba hi Job-pa 22:27

Ang mba tchenemu, mam mba mi humungû, ang mba ndak vun vun ma hle ma ang hluma.

Wana ni mbaktumba hi Job-pa 10:2

An mba ni de mAlona ala: Ang kan sariyad’a kan ndi, ang dan ad’u vama ang kak djangûna ki sed’en kama.

Wana ni mbaktumba hi Job-pa 5:8

Wani ladjï an ni angû ni, an mba ni de zla manda mAlona; ni mam ba, an mba ni vum ad’u zla manda.

1 Korente-na 4:4

Kayam an we tetet ala zla nga kan ndi, wani ni kayam ndata ba, an ni ma bei zlad’a kana d’i. Salad’a ni sama kan sariya kana.

Daniel 9:18

Alo mana, ang tin humang ang huma, ang mal irang ngeyo, ang gol b’lak mamid’a ki b’laka hazì ma ngol ma simiyêng nga mi yi kuana, nga ni yam sun mami d’a d’ingêra ba, ami nga tcheneng tchen nda hu d’a wanda d’i. Ni yam we hohou mang nga ngola hol.

Daniel 9:3

An d’el tan bei te tena, an tchuk baru d’a ndjondjorod’a atanu, an tchuk butna kanu, an mbut iran gen Salad’a Alona á tchenem ki labiyad’a.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Wana ni mbaktumba hi Job-pa 23:7

Sä hî ma d’ingêrâ mba mi de zlad’a ki sed’emu. Ni hina ba, an mba ni prut tei abo man ma ka sariyad’a ki iran fafat.

2 Sunda Hamuleinid’a 33:13

Mi tchenemu. Ma didina mi hum tchen mam mba hud’a, mi wum hohowomu, mi hulongôm avo Jerusalem kur leu mamba. Ata yi máma Manase mi wala Ma didina nAlo ma iratna.

Wana ni mbaktumba hi Job-pa 9:16

Le an yiya, mi humun pî, an nga ni we tetet tala mi tin humam á humun delenu d’a d’i.

Wana ni mbaktumba hi Job-pa 9:20

Le an ni sama d’ingêrâ pî, vunan mba kan sariyad’a kanu. Le an ni sama bei zlad’a kana pî, vunan mba mi mbud’un sama zla nga kama.

Wana ni mbaktumba hi Job-pa 9:21

Le an ni sama bei zlad’a kana pî, an min kak ki iran ndi, an gol tan is mi.

Wana ni mbaktumba hi Job-pa 40:5

Le ni na ni, ang min tang ki subura ki hud’a, ang tchuk wiled’a ki ngola atang mi.