Wana ni mbaktumba hi Job-pa 9:13 - Bible azumeina

¹³ Alona nga mi ve vun ayî mama kä d’i; suma yam mba ad’engina a nga hulong yazi kä avorom mi.

Wana ni mbaktumba hi Job-pa 9:13 Referans Kwoze

Sawal la giled’a 89:10

Angî ma te yam subur tad’a halum ma ngolîd’a, ata yima abilâ tchol led’ina, ang nga vum vunam kä.

Wana ni mbaktumba hi Job-pa 26:12

Kad’eng mamba nga mi tcha alum ma ngolâ tata, ki ne mamba mi kus yam ambur ma a yum ala Rahap-ma na.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Isai 30:7

mi Ezipte suma ndjun mazid’a ni d’igi simetna d’oze vama hawa ya’â na na. Ni kayam ndata ba, an yazi ala Rahap, nala, suma abozi nga mi hle á le va d’uo na.

Sawal la giled’a 87:4

An mba ni de woi yam Ezipte ki Babilon aduk suma a wana ala: Gola! Suma Filistê-na ki suma Tir-râ ki suma Etiyopi-na a vud’uzi ni kur ambas sa wanda!

Isai 5:25

Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.