Wana ni mbaktumba hi Job-pa 7:9 - Bible azumeina

⁹ D’ugula nga d’i val leyo, nga d’i kal lei mi. Hina mi, sama mi i kä azuleina nga mi hulongî akulo d’uo mi.

Wana ni mbaktumba hi Job-pa 7:9 Referans Kwoze

2 Samuel 14:14

Gagazi, ei mba boi d’igi mbiyo ma a vom kä ma mi sid’am kä ma sana nga mi fe lovota á gulum mbuo na na. Alona nga mi hulong tchol sama matna akulo d’uo d’a. Wani mi min ala sama a kengêmza woi avoroma, mi arza kaka ata yi máma d’i.

Sawal la giled’a 39:13

Ma didina, ang hum tchen manda hum ngë, ang tin humang hum tchi mana, ang gol tchi man ma hat hurâ tä d’i, kayam an ni sama akoid’a avo hatangû, sama akoid’a d’igi abuyon ngolo na mi.

Wana ni mbaktumba hi Job-pa 30:15

Mandarâ mi vanu, a hle subur manda woi d’igi simetna mi hle vana woi na; djivi manda ti kal lei d’igi d’ugula ti kal lei na mi.

Wana ni mbaktumba hi Job-pa 16:22

Kayam bizan nda a ngandjid’a ti dap mi daba, an nga ni hle lovot ta an ndak á hulongî d’uo d’a.

Wana ni mbaktumba hi Job-pa 10:21

avok ka an nde ni i ata yima sä nga mi hulongî woi kua d’uo ma yam andaga d’a nduvun nda ad’u anguza matnid’a,

2 Samuel 12:23

Ki tchetchemba, mi mit wa da’. Ni kayam me ba, an d’el tan bei te tena d’ei ge? An ndak á hulongômî zu? Ni an ba, mba ni iza ad’umu, wani mam nga mi hulongî geven ndi.

Isai 38:11

An de kurun kua ala: An mba ni we Ma didina kua yam andagad’a hi suma a nga kaka ki irazina d’uo, an mba ni we sa tu aduk suma a nga kaka kur duniyad’ina d’uo mi.

Wana ni mbaktumba hi Job-pa 37:11

Alona nga mi he vuna mi d’ugula ti oî ki mbina, nga mi sunut abo hî abo hî ki wiled’a.

Wana ni mbaktumba hi Job-pa 11:8

Ti kal akulod’a dei; ang mba le ni nana ge? Zul mat ta yiyika kal yima azuleina; ang mba wat ni nana ge?

Wana ni mbaktumba hi Job-pa 3:13

Ladjï an mid’a ni, an kak wa tchugot; ladjï an bur sena ni, tan tuk wa halas

Wana ni mbaktumba hi Job-pa 17:13

Le an tin hurun ala yima azuleina mi mbut ni azì man ma kaka, le an tin azang man ma burâ kä kur nduvunda,

Wana ni mbaktumba hi Job-pa 17:16

Mam mba mi i ki sed’en kä ata yima azuleina, ami djak mba imi á tugumi tami kä aduk andaga d’a gugud’upa.

Isai 26:14

Suma matna a nga hulong kak ki irazi d’uo d’a, suma a bona a nga hulong tchol akulo d’uo mi. Ang mba, ang dabazi wa woyo, ang b’lak djib’er ra suma a djib’eret kazid’a woi pet mi.