Wana ni mbaktumba hi Job-pa 7:1 - Bible azumeina

¹ Job mi de kua ala: Kaka hi sana d’a yam andagad’id’a ni d’igi kaka hi azigarîd’a na d’uo zu? Burumî d’igi sama le sunda yam beged’ina na mi d’uo zu?

Wana ni mbaktumba hi Job-pa 7:1 Referans Kwoze

Sawal la giled’a 39:4

Hurun nga mi ngalan d’igi akud’a na; ata yima an nga ni djib’erâ, hurun mbut d’igi akud’a na. Kayam ndata, an de zlad’a ki vunan ala:

Wana ni mbaktumba hi Job-pa 5:7

A vut sana ná fe ndaka d’igi aku d’a ti mun ti i akulod’a na.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 21:16

Gola! Salad’a mi dan ala: Kur bur ma dabid’a hi biza d’a tud’a, subura hi suma Kedar-rîd’a mba d’i dap peyo.

Ma tchi wala 8:8

Sana mi nga kad’enga á d’el simetna d’i. Hina mi, mi ndak á d’el tam bei matna d’uo mi. Ata yima ayî ma durâ mi nga na, sama mi prut tam mbeina mi nga d’i. Hina mi, asa’ata ti ndak á sut salat ma mi latna d’uo mi.

Gat ta a hat á mbàd’id’a 15:18

Agi lagi gigrit á gum akulo d’i, kayam mi lagi sun nda bizad’a karagaya, mi zlap sunda hi sama le sun nda beged’ina yam mbà. Ma didina Alo magina mba mi b’e vunam kagi kur sunda pet ta agi mba lata.

Sunda hi suma hi Levi-nid’a 25:50

Mam ki sama mam gus tam mbei aboma, a ndum bizad’a, a tinï ad’ud’a nata biza d’a mam gus tam mbei kura dei gak mba ata biza d’a ngol la furîd’a, a le gusa ni yam ablaud’a hi bizad’id’a, a mba ndumut ni d’igi sama mi le sunda yam beged’ina na.

Isai 38:5

Ang i de mi Ezekiyas ala: Ma didina Alona habung ngolo David-na mi dala: An hum tchen manga, an we simi mangâ mi. Gola! An nga ni hang bizad’a kua dogo yam vahl!

Wana ni mbaktumba hi Job-pa 7:2

Ni d’igi magom ma nga mi hal anguzunina na, ni d’igi sama le sun nda beged’ina mi djup wurak mamba na mi.

Wana ni mbaktumba hi Job-pa 10:17

Ang mba ki glangâs ma dingâ á kak djangûna ki sed’enu, ang nga zal hurung kan avogovogo, azigar mangâ a ndjak vunazi kan á durun ayîna mi.

Wana ni mbaktumba hi Job-pa 14:1

Job mi de kua ala: Sama atchad’a vud’uma, burumî akid’eid’a hina yegre, mi ni oîd’a ki ndaka mi.

Isai 16:14

Wani ki tchetchemba mi dala: Kur bur ma dabid’a hi biza d’a hindid’a, subur ra kal teglesa hi Mowap-pa, a mba golot is, mat suma ablau suma mimiyâ’â a mba arî akid’ei d’a hina yegre. Suma a mba ar kurutna a mba ndak ir va d’uo mi.