Wana ni mbaktumba hi Job-pa 6:27 - Bible azumeina

²⁷ Agi lagi togina yam suma hokuyod’a, agi mbud’ugi buniyôgina ni vama mbut abogina.

Wana ni mbaktumba hi Job-pa 6:27 Referans Kwoze

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.

Nahum 3:10

Hina pet pî, a im wa magomba, grom suma gureina, a tchazi woi grak lovot ta lara ge pet, a le togina yam mam suma simiyêzi mi nde yinina, a tchuk erdjena kel mam suma nglona pet mi.

Joel 3:3

Azi le togina yam sum mana, azi he gor mandjufâ yam gaulangâ, azi gus gor weid’a süm guguzlud’a á tched’a.

Sawal la giled’a 7:15

Gola! Sama asa’atna nga mi min tam á le tchod’a, nga mi nga hurum á le tchod’a, nga mi nde ki zla d’a kad’a abua.

Wana ni mbaktumba hi Job-pa 24:9

Suma a nga ve gor ma hokuyod’a woi avun apona, a nga vahle suma denga abo sama houd’a mi.

Wana ni mbaktumba hi Job-pa 24:3

A nga yo korona hi suma hokuyod’ina, a nga ndamuzleina harop suma modonod’ina mi.

Wana ni mbaktumba hi Job-pa 22:9

Ang ar arop suma modonod’a a i abozi hawa bei hazi va, ang dap suma hokuyod’a ad’engêzi d’a ar nded’a woi mi.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Ezekiyel 22:7

A nga gol abud’a kasud’a is kurungû, a nga djop vun angeina kurungû, a nga b’at ahlena abo ma hokuyod’a katcha d’a modonod’a kurung mi.

Jeremi 18:22

Fata ang mba kades azigarâ kazi dumuzi á duruzid’a, ar a hum tchi ma hohoud’a avo hataziya, kayam azi djugot zula kä avoron á vanu, a ngei nga dauna kä gumun avoron mi.

Jeremi 18:20

Na ni a mba hulong tchod’a yam djivid’a zu? Kayam a djugot nga zula kä kan á tchan ndeyo. Ang djib’er yam tchol la an nga tchola avorong á dang zlad’a kazi tala ang b’leng hurung kazi ang lazi djivid’a d’a.

Sawal la giled’a 82:3

Ar agi kagi sariya d’a d’ingêra mi suma amangeîna ki suma hokuyod’a. ar agi kagi sariya d’a d’ingêra mi suma hohoud’a ki suma kid’aka mi.

Sawal la giled’a 57:6

Alo mana, ang tak ngol mang nga kal papad’a woi kur akulod’a, ar subur manga ti b’o woi yam andagad’a pet mi.

Wana ni mbaktumba hi Job-pa 31:21

Le an ngop ma hokuyod’a ata yima sariyad’a kayambala an we suma ka sariyad’a a ndjununda ni,

Wana ni mbaktumba hi Job-pa 31:17

an te nga avu man ma mbruka bei sama hokuyo mi te d’uo mi.

Wana ni mbaktumba hi Job-pa 29:12

An sut ma hou ma nga mi yi ala a ndjunumu na, ki ma hokuyo ma sama ndjunum nga d’uo na mi.

Buzuk ka Abud’a 22:21

Agi lagi ir angeina d’i, agi djobom vunam mbuo mi, kayam agi tagi pî ei ni angoyogeina yam ambas sa Ezipte-d’a mi.