Wana ni mbaktumba hi Job-pa 6:25 - Bible azumeina

²⁵ Zla d’a de d’a gagazid’a ti nga d’i min sana, wani ngop magid’a zlat ni zla me ge?

Wana ni mbaktumba hi Job-pa 6:25 Referans Kwoze

Zla d’a d’ogolâ 25:11

Zla d’a irat ta sana mi data, ti hle tat ni d’igi ahle suma lor suma djif suma guzuzi kal tegles suma sama d’alâ mi yorozi mi gulud’uzi ki kawei ma hapmina na.

Zla d’a d’ogolâ 18:21

Matna ki arid’a a nad’u ad’enga hi sindid’a, sama mi le katna mba mi fe wurak mata.

Zla d’a d’ogolâ 12:18

Sama mi tchit wü na, mi tchok sana mbilâ ni d’igi mbigeu d’a fiyaka na, wani zlad’a hi suma ned’id’a ti tchil sana ni tchila.

Wana ni mbaktumba hi Job-pa 32:3

Hurum zal ngola ata Job buniyôm suma hindina mi, kayam azi fe nga zla d’a á hulongôt ded’a mi Job-pa d’i, wani a kamî sariyad’a kamu.

Wana ni mbaktumba hi Job-pa 24:25

Le hina d’uo ni, ni nge ba, mba mi dala an ni ma ka zlad’a ba, mi mbud’un zla manda zla d’a hawa yaka ge?

Wana ni mbaktumba hi Job-pa 21:34

Ni kayam me ba, agi b’lengên hurun ki zla d’a hawa yaka ge? Kayam zla d’a de magi d’a agi hulongôta ni zla d’a kad’a!

Wana ni mbaktumba hi Job-pa 13:5

Djivid’a agi kagagi ni ki vunagi ma du’â. Hina wani, a mba ndumugi ni suma ned’a.

Wana ni mbaktumba hi Job-pa 4:4

Zla mang nga ded’a ti tchol suma a puk kä na akulo, ang d’op suma guguvazi mi guna aduk mi.

Wana ni mbaktumba hi Job-pa 6:24

Agi had’anu, an mba ni kak tchugot. Agi simad’an lovot ta an vit tei kura.

Wana ni mbaktumba hi Job-pa 6:26

Agi djib’eregi ala agi ngobon yam zla man nda ded’a zu? Agi djib’eregi ala zlad’a hi sama mi nga ki hur ma tinda d’uo na ni d’igi simetna hawa na zu?

Wana ni mbaktumba hi Job-pa 27:12

Wani agi tagi pet, agi wagi ad’ud’a. Ni kayam me ba, agi igi bugol zla d’a hawa yaka ge?

Zla d’a d’ogolâ 15:23

Sana nga mi le furîd’a yam zla d’a de d’a djivi d’a mam hulongôt de d’a ki vunamba. Ni vama djivi ma kalâ ata yima sana mi de zlad’a ata yatna.