Wana ni mbaktumba hi Job-pa 6:15 - Bible azumeina

¹⁵ B’oziyona a mbud’un iran d’igi toliyonda na, d’igi toliyon nda mbiyo mat ma djangâ mi so woid’a na.

Wana ni mbaktumba hi Job-pa 6:15 Referans Kwoze

Jeremi 15:18

Ni kayam me ba, ndak manda nga d’i i avogovok ke? Ni kayam me ba, mbil man ma bei tchila ba na mi min tchil luo ge? Ang mba mbut kan ni d’igi mbiyo ma lau ma lobon irana na, d’oze d’igi mbiyo ma lau ma sa nga mi tin hurum kam mbuo na na zu?

Sawal la giled’a 38:11

Vunadigan nga d’i tumun ngola, ad’engên nga d’i, iran nga d’i we d’uo mi.

Sawal la giled’a 41:9

Mi dap wa ata zla d’a tchod’a! Gola! Mi nga ged’a kä! Mi dok tchol akulo d’uo d’a!

Jean 16:32

Agi gologiya! Yina nga mba, ki tchetchemba mi mba wa, ata yi máma, agi mba b’rawagi woi yayak, nge nge pî mba mi i avo hatamu. Agi mba aran van tu, wani an nga van tu d’i, kayam Abun nga ki sed’enu.

Jean 13:18

An de ni kagi pet ti, an we suma an manazina. Ni kayam zla d’a a b’irit kur mbaktumba hAlonid’a ala: Mam ma nga mi te tena ki sed’ena, mi mbut iram mi kak djangûna ki sed’enu d’a ndak memet.

Jude 1:12

Sum ndazina a mbut ni vama dap asema ata yi magi ma darigïd’a, zulona nga lazi ki hop mazina d’uo mi. Azi ni d’igi d’ugul la bei mbina d’a simetna nga mi tchat tata d’a na. Azi ni d’igi agu ma le ni vun simetna pî nga mi vut tuo ma mi mit yam mbà ma a pad’am sideyem mbeina na.

Jeremi 30:14

Suma a le kagi adjeuna pet a mba mar kagiya, a mba djib’er kagi d’i, kayam an togi ni d’igi agi ni man suma djangûna hina, an ngobogi ni ngop pa tchod’a yam tcho magi d’a zul heîd’a, yam tcho magi d’a ngola mi.

Sawal la giled’a 88:18

Kur burâ kaf azi nga nguyun d’igi mbina ngui sana na, azi nga nguyun ata yima lara ge pet mi.

Wana ni mbaktumba hi Job-pa 19:19

Buniyôn suma kokodjona a golon ni vama ndjendjed’a, buniyôn suma an le kazi heîna a han azigazi mi.

Wana ni mbaktumba hi Job-pa 6:16

Ti mbut wurad’a abo glas ma lau woina, abo nes ma mi lau mi djang kä kurutna mi.

Zla d’a d’ogolâ 25:19

Tin hurung yam sama mbut ira kur bur ma ndaka ni d’igi sï ma kusa na d’oze d’igi asem ma daka na mi.

Jeremi 12:6

Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.

Wana ni mbaktumba hi Job-pa 11:16

Ang mba mar rei yam ndak manga d’igi sana mi mar rei yam mbiyo ma djang ngeina na.

Wana ni mbaktumba hi Job-pa 13:4

Kayam agi ni suma ka zlad’a, agi ni dokdor suma hawa ya’â.

Wana ni mbaktumba hi Job-pa 14:11

Mbiyo alum ma nglona pî, mi ndak á val leyo, mbiyo aluma pî, mi sid’am kä, mi so woi mi.

Wana ni mbaktumba hi Job-pa 19:13

Mi wal b’oziyona woi ki sed’en dei, suma a wana a wal lei ki sed’en mi.

Jeremi 38:22

Aropma pet suma a mba ar kur azì ma amula hamul ma Juda-nina, a mba izi mi suma nglona hamul ma Babilon-nina, a mba de kang ala: Buniyôngâ a lobongû, a te wa kangû! Aseng mi rot wa kä aduk dorbopma, azi hang wa azigaziya mi!