Wana ni mbaktumba hi Job-pa 6:10 - Bible azumeina

¹⁰ Kur ndak manda wan pî, an mba ni le furîd’a, an mba ni ve zla d’a bugol la a mba b’lengên ki hurunda, kayam an tin nga vunan yam zlad’a hAlo ma bei tchod’a ba nid’a d’i.

Wana ni mbaktumba hi Job-pa 6:10 Referans Kwoze

Wana ni mbaktumba hi Job-pa 23:12

An noî nga vun mam ma hed’a woi d’i, an ngom zla d’a mam han vuna kata kurun krovo.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Sunda hi suma hi Levi-nid’a 19:2

Ang i de mablaud’a hi Israel-lîd’a ala: Agi kagagi ni suma yed’etna, kayam an Ma didina Alo magina ni Ma bei tchod’a ba na.

Vama ndum mbeina 4:8

Ahle suma ari suma fid’i ndazina, ma lara pî mi nga ki gigingâ karagaya karagaya, azi nga ki ira ata yima lara ge pet, krovo, abu mi. Andjege ki falei azi nga ar bei hle sawala ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna, ni Ma nga adjeu deina, ni Ma nga na, ni Ma nga mi mbana mi.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina:

Romê-na 8:32

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

Sunda hi suma a sunuzinid’a 20:20

Agi wagiya, an ar nga bei dagi ahle suma ala ni djivid’a kagiya na d’i. An had’agi avok suma pet, hur azina hur azina mi.

Habakuk 3:3

Alona mi tcholï Teman; Ma bei tchod’a ba na mi tcholï yam ahina d’a Paran-nda. Tchol ndjö Ngol mamba ti duk ir akulod’a, subur mamba ti oî yam andagad’a.

Habakuk 1:12

Habakuk mi de kua ala: Ei dedei angî Ma didina Alo man ma bei tchod’a, ang nga mit ti. Ma didina, angî ahina manda, ang tin suma djangû ndazina, ang hazi ad’enga á gad’amiya.

Wana ni mbaktumba hi Oze-d’a 11:9

An mba ni le d’igi hur man ma zal ma gugulu’â na d’i, an mba ni mba á b’lagagi agi suma Efraim-ma woi d’i. Kayam an nAlona, an nga ni sana d’i. An Ma bei tchod’a ni nga adigagiya, an nga ni mba ki hur man ma zala d’uo mi.

Sawal la giled’a 119:13

Nga hur mang ma ndeï avunangâ, an mba ni ndumum mbei ki vunan tutu pet.

Sawal la giled’a 37:30

Zla d’a ndavun ma d’ingêrîd’a ni d’alâ, mi de ni zla d’a gagazid’a mi.

Wana ni mbaktumba hi Job-pa 22:22

Ang ve zla mam mba mam nga mi had’angzid’a, ang ve zla mamba kurung mi.

Wana ni mbaktumba hi Job-pa 21:33

Andaga d’a zigat ta kur horid’a tafefeta atamu. Suma pet a nga i bugol mad’amu, suma ablaud’a a nga i avorom mi!

Wana ni mbaktumba hi Job-pa 9:4

Ned’a ni mamba, ad’eng nga kal teglesa ni mamba mi. Ni nge ba, mi d’elem bei mi ngobom ge?

Wana ni mbaktumba hi Job-pa 3:22

A le furîd’a ki hur ma hapma, ata yima a i kä azuleina!

1 Samuel 2:2

Ma didina tu ni Ma bei tchod’a, Alo meina tu nahinad’a, Alo ma ding ma d’igi mam na na nga d’i.

Gat ta a hat á mbàd’id’a 29:20

Ma didina mba mi vat hurum mbei kam mbi. Hurum mba mi zal kamu. Vun ma ge ma a b’irim kur mbaktum mba wandina pet, Ma didina mba mi gumziya, mba mi tchum simiyêm mbei yam andagad’a.

Wana ni mbaktumba hi Job-pa 11:4

Ang nga de mAlona ala: An ni ma bei zlad’a kana, an ni ma yed’etna avorongû!

Wana ni mbaktumba hi Job-pa 15:11

Ang gol b’leng hurâ hAlonina ni vama akid’ei irang zu? D’oze zla d’a ami nga dangzi ki lulumad’id’a ni vama akid’ei irang mi zu?

Wana ni mbaktumba hi Job-pa 23:11

Asen ma tita mi nga tinda balum asemu, an ngom lovot mamba, an d’es nga woi kur ri.

Sawal la giled’a 119:50

Wana ni b’leng hur man ma kur ndak mandina: Kayam vun mang ma hled’a mi han arid’a.