Wana ni mbaktumba hi Job-pa 5:6 - Bible azumeina

⁶ Djop vuna nga mi tcholï kä aduk andaga d’a gugud’upa d’i, ndaka nga d’i deî ni kä aduk andagad’a d’uo mi.

Wana ni mbaktumba hi Job-pa 5:6 Referans Kwoze

Isai 45:7

An le b’od’a, an le nduvunda mi. An le b’leng nga halasa, an le ndaka mi. Ni an Ma didina ba, ni lahle ndazina wan pet mi.

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Wana ni mbaktumba hi Oze-d’a 10:4

A nga de zla d’a hawa yaka, a nga gun tazi gun nda ka zlad’a, a nga djin vunaziya, wani sariyad’a mba d’i zul kazi d’igi asu ma tchona mi zul hur asinena na.

Hor ma tchina 3:38

Djivid’a ki tchod’a a tcholï nata Alo ma sä akulo ma kal teglesâ d’uo zu?

Sawal la giled’a 90:7

Gagazi, ami nga dabami woi abo hur mang ma zala, ami nga zlagami abo ayî mang ma djulula mi.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

1 Samuel 6:9

Agi gologiziya! Le amuzleina a hle wa lovot ta i yam ambas sa Israel-la abo ma Bet-Semes-sâ ni, d’obot nala nAlona hi Israel-lâ ba, mi mbei ndak ndata keya. Le a hle lovot ta dinga ni, ei mba wei ala ni mamba nga mi djobei vunei ki ndak ndata d’i, wani ndak ndata ti mba kei ni vat hawa.

Gat ta a hat á mbàd’id’a 32:27

Wani an nga ki mandarâ ala mazi suma djangûna a mba lazanu, a mba djib’er ala ni azi ba a le sun nda ndandal ndata, a mba djib’er ala ni an ba ni lat tuo.

Sunda hi suma hi Levi-nid’a 25:5

Ang dut awu ma magor ma mi deî kur biza ndatina d’i, ang dut abo guguzlu d’a ang arat bei tchaud’a kur biza ndatid’a d’uo mi. Biza ndata ti arî biza d’a sabat ta tuk tad’a yam andagad’a.

Wana ni mbaktumba hi Job-pa 15:35

Le a ve wira tchod’a ni, a vut ni ndaka, huruzi krovo mi halî mbut ira.